You are currently viewing 【Netflix劇集】女生必看!推介4齣與閨蜜看的Netflix劇

【Netflix劇集】女生必看!推介4齣與閨蜜看的Netflix劇

studentconversion
tutor registration

年年慶祝生日都係出街食飯,今年小編有新建議:租個地方或去其中一個朋友屋企,一齊邊睇 Netflix,邊慶祝生日!今次Tutor Circle尋補 遨請了 ReUbird 小編分享4套必睇 Netflix 劇集!平時喺TVB睇好多劇都好少以女性為主角,但反而外國劇就有好多就圍繞著女主角身邊的事發展而男性只係配角。外國劇帶到個信息係無男主角都能寫到一個故事!女士們都可以從女主角中學到佢地某啲特質,讓你訓練成一個愈嚟愈強嘅人。


P.S. 如果要送生日禮物比女仔,送 Netflix 訂閱好似都唔錯。

事不宜遲,即刻開始介紹4套女士們可以一齊睇嘅 Netflix 劇集!



1. Riverdale

一開頭睇 Riverdale 以為同一般high school嘅美劇無咩分別,而且睇張 Poster 以為成套都會圍住男主角 Archie 嚟講,但係睇睇下發現原來其中一位女主角 Veronica Lodge 先係最勁,成套劇都突顯佢嘅領導才能一面。Veronica 係一個有主見好有自己性格嘅人,唔會受規則、外來環境或者其他人甚至屋企人而影響佢認為啱同應該做嘅事。


Copyright © 2023 Tutor Circle 尋補. All rights reserved. 此文章未經許可,不得轉載。
Copyright © 2023 Tutor Circle 尋補. All rights reserved. 此文章未經許可,不得轉載。

如果你有追開 Riverdale,你就知道女主角 Veronica 係一個好堅強好獨立嘅人。第一季,佢轉校到新嘅學校已經受到男生嘅侮辱,但佢無喊,反而好嬲咁諗點樣可以將依個行為令全校都留意。

去到第3季,Vernoica 男朋友 Archie Andrews 係監獄個時係 Veronica 諗成個計劃去救 Archie出嚟。 之後 Archie 離開 Veronica 同埋無屋企人支持佢之下,佢識得經營自己嘅生意,而且愈做愈大。Veronica 各種行為話比我地知其實女仔做有主見有自己能力係應該show出嚟,唔需要隨波逐流亦可以無視女性被社會塑造嘅柔弱形象。

2. Gilmore Girls

我睇咗 Gilmore Girls 兩次,主要係講一對母女係一個小鎮嘅生活。小編覺得呢一套好特別好鐘意睇因為佢地母女啲互動行為同講野都好搞笑,佢地關係唔似一對母女,反而似最好朋友。因為佢地會同對方分享所有事,所以特別鐘意依套劇。

媽咪 Lorelai Gilmore 一係出生係一個上等人家嘅屋企,屋企對佢寄望好大,但係佢一直都唔鐘意受到屋企人嘅束縛,同屋企人關係一直都唔係咁好,而且好反叛。

係16歲就生咗 Rory Gilmore (第二位女主角)。雖然 Rory 爸爸有叫 Lorelai 嫁比佢,但係Lorelai知道佢倆個根本就唔適合,所以無答應佢,堅持住單身咁養大 Rory。

你在劇中會留意到 Lorelai 係一個好堅強嘅人,或者可以話佢係固執,因為佢唔鐘意自己屋企,所以無論有咩困難佢都唔會搵屋企人幫忙。但係因為咁,所以佢所有事都係自己親手做,亦都知道用咩方法係最好。

 

3. Chilling Adventures of Sabrina

Chilling Adventures of Sabrina 係 Netflix 新嘅原創劇,原本係一套好舊嘅漫畫而拍成嘅劇集。故事情節有啲似哈利波特,主角Sabrina 係一個半個人亦係半個巫女,係佢地巫女世界中係個特別例子。故事開始講到 Sabrina 16歲就要放棄人類嘅生活,要去終身奉獻佢一生及聽從巫師界嘅大王。當然 Sabrina就唔鍾意,唔認為一定要聽從大王,所以佢沒有接受洗禮,諗方法去挑戰大王,佢繼續同人類做朋友,同時可以係巫師界學校上堂。

 

依套劇可以見到Sabrina喺16歲嘅時候已經有自己嘅思想,會懷疑其他事件嘅可能性,所以佢亦都因為自己嘅所堅持嘅信念而去挑戰佢認為係錯嘅方法。

4. Dynasty

呢一套劇有少少似啲八婆劇,佢係講一個上等家庭,屋企人所發生嘅事。例如有後母、爭家產、繼承公司等等。女主角 Fallon Carrington 係一個非常獨立而有主見嘅女人,佢一直都想繼承佢爸爸嘅生意,但係一直都俾人睇低,因為佢因為人哋認為佢只係一個有錢人嘅千金。但係佢冇放棄,一直展出佢一個好有頭腦同埋做事好果斷嘅人。

當知道佢爸爸寧願比間公司個後母繼承之後,Fallon 發現佢先至係佢自己最大嘅資產,所以佢唔會唔再等佢爸爸比盤生意佢,佢自己開自己嘅公司由零開始。雖然佢爸爸一直認為佢唔夠好,打理唔到咁大盤生意,但係佢無視爸爸對佢嘅評價,自己創造自己嘅一番事業。 

之前 ReUbird 小編同一班姊妹一齊慶祝生日,去咗朋友屋企搞生日 Party,訂到會生日蛋糕慶祝,渡過一個開心下午。而你,又約咗你嘅閨蜜未?

所有資料及圖片提供:ReUbird
 

*此文章純屬 Blogger 個人分享,並不代表本網誌立場。

 

想追返學校進度?Tutor Circle尋補有超過35,000個三大導師,最快兩小時幫你搵一個優秀嘅上門導師!

想搵 一個合適嘅私補老師

DSE讀得咁辛苦,想活用知識嚟賺下外快?

想搵 好多好多私補學生

 

緊貼尋補 BlogFacebookInstagramLinkedIn,尋補?Tutor Circle

 
Z世代 修辭手法 Ocamp
英文補習 上莊 中文補習 議論文
SLP sample 補習網 數學補習
大學五件事

*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Circle 尋補 對信息或內容所招至的損失或損害,不會承擔任何責任。


尋補?Tutor Circle!

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言