DSE數學公式

【DSE數學速成班】點解背晒啲公式測驗考試都係唔識?

  • Post author:
  • Post category:DSE攻略
  • Post published:2018-12-18
  • Post last modified:2023-07-27
studentconversion
tutor registration

相信大家都試過考試之前,上網瘋狂search數學速成班,因為剩返個少少時間,做數又唔做得幾多,幫助都唔大,最希望都係隔硬塞幾條DSE數學公式,好似sin cos、special angle、四心特質入腦就算,咁樣先係最efficient嘅方法!無錯!我都曾經係咁嘅人,但咁樣做嘅我,每次成績都係差,唔係話真係好差,但真係幾差,究竟點解呢?今日Tutor Circle 尋補就同大家揭開呢個真相!
 


DSE數學速成班1. 理論公式唔止要識,仲要識應用

臨考先走黎溫formula黎背嘅你,係呀就係講緊你呀!通常都係準備唔夠架啦,就好似我以前咁,因為根本冇乜公式同概念真係話好熟,去到臨考前一日,實在係太空虛,做多幾條數又唔係,溫書又唔係,唯有上網搵幾條式抄落黎背左佢,等自己個心好過啲,咁樣就以為自己已經溫晒書,結果出到黎,點解背過個啲全部都冇考嘅?點解我咁黑仔又背錯野?點解份卷啲題目出得咁偏?
錯,其實全部都有出,你有溫嘅佢都有出,只係你背左條式嘅時候,你個腦剩係諗住搵到相似嘅野隔硬塞條式落去執分,根本就冇諗過點解要用同點樣用,姐係話成個概念你都未掌握到,又未應用過落啲題目到,就算題目隔離寫埋條式比你,你都唔識啦!
所以,平時有做數嘅,呢堆式根本就入晒你腦,真係訓著左都識做,冇必要臨考先黎摷。

DSE數學速成班
考試嘅時候唔好淨係諗住搵啲相似嘅野夾硬塞返條式入去(網上圖片)

DSE數學速成班2. 聽日就考啦,究竟應該點做?

可能係仲有唔夠24個鐘就考,呢個時候嘅你,只可以maximize溫書嘅efficiency,而我係呢方面都叫少有經驗,可以分享下。
首先,你將所有要溫嘅數學topic list晒出黎,每個topic都比一個分,十分滿分,你個科有幾熟,如果有8分以上嘅話,OK,你聽日就係靠呢啲攞分,相信自己,唔好掂佢地;
低過3分個啲topics,算啦,你冇可能係咁短時間就衝到上去架啦,將呢啲咁唔熟嘅topics嘅公式list晒出黎,背左佢,確保聽日自己遇上極度易食嘅呢課題目,例如sin cos tan、畢式定理pyth thm、體積、面積等,唔需要特登花時間落去;
重點黎啦,4至7分嘅topics,識嘅話相信你都ok熟嘅,而你就要集中係呢幾課啦!!
將大topics再細拆分做細topics,每個細topics用大約15至20分鐘去做題目,每個topics大概就用係1至1.5個鐘咁啦,咁你都有機會拉到幾課上去8分嘅位置,咁就可以確保你可以係最短嘅時間攞到最多分!
例子:將坐標(5分)拆成幾個細topics,針對每個細概念去做題目



  • 坐標系統
  • 兩點間的長度、中點及內分點
  • 直線斜率
  • 直線方程
  • 圖像轉換

DSE數學速成班3. 唔係喎,我仲有好多時間準備,但我學極都唔識

其實數學要考得好,絕對唔係天資嘅分野,而係你學得有冇系統同方法。
舉個例,你要做Function函數個一科,但係你甩晒以前因式分解Factilization嘅部分,試問你又點識做呢?冇錯,就係你嘅大腦嘅數學資料庫入面,其實係有啲野甩漏,但有時你連自己唔知啲咩都唔知,呢個先最危險。
如果你問我解決方法,我同你講,「做多啲數啦」,你都唔耐煩啦,因為呢個道理係人都知,只不過你根本就唔知應該做邊啲數,做幾多數,唔通真係做晒成本書咩,我都要時間玩架!
咁點算呢,你可以先搵左老師,問下佢你應該點做,但老師面對咁多學生,佢根本就唔清楚你學習困難嘅地方喺邊,邊個位卡住先再加針對性嘅操練先係你最想要嘅野。
 


Copyright © 2023 Tutor Circle 尋補. All rights reserved. 此文章未經許可,不得轉載。
Copyright © 2023 Tutor Circle 尋補. All rights reserved. 此文章未經許可,不得轉載。

DSE數學速成班4. 私補幫到你

Tutor Circle嘅私補平台就幫到你,幫你挑選一個你最適合嘅導師,長期單對單進行補習,了解你每個唔明嘅細節,導師就會針對你唔理解嘅地方進行密集式訓練,強化你每一個弱點,等你所有topics都有8分以上,而且時間靈活、地點自由,最重要就係佢會將佢親身應試嘅經驗,甚至價值觀都分享比你,建立一段亦師亦友嘅關係。


延伸閱讀:
【HKDSE Maths】DSE數學5**必讀技巧:長題目溫習要點+MC應試技巧
【DSE Maths Cut Off】如何計算、加權轉換是什麼?
【DSE Maths卷二】決戰75分鐘・不正確MC小技巧

*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Circle 尋補 對信息或內容所招至的損失或損害,不會承擔任何責任。
DSE數學速成班
DSE數學速成班

尋補?Tutor Circle!

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言