新年食品

【傳統節日】新年唔止得年糕!賀年食品知多少!

studentconversion
tutor registration

新年除咗收利是同放假之外,最開心既就緊係食新年食品啦。不過,其實新年食品都好講究架!新年食品既學問非常多,所以今次Tutor Circle尋補就為大家帶黎新年食品大檢閱,Let’s go!!!

新年食品
新年食品你識幾多?

首先要講既新年食品就緊係咁多樣新年食品既表表者,無錯!就係佢,年糕。
 
新年食品 2
年糕,食完步步高昇!

年糕你地就食得多喇,係咁你地又知唔知食佢究竟有咩喻意呢?小編都問過下朋友,究竟年糕呢種咁傳統既新年食品有咩喻意呢?呢位朋友就答我話明年高就緊係年年長高啦!咦問題黎喇,咁老人家咪唔洗食年糕囉?其實呢位朋友答岩咗一半。身為新年食品之首嘅年糕係年年高既意思,不過呢到所指既高並唔係身體上嘅高度,佢所指嘅係工作同生活上可以有所提升。
新年食品 4
有無見過其他種類既年糕?

不過,您地又知唔知年糕究竟有幾多種呢?我地成日係街到見到寫住新年食品嘅年糕係橙色嘅﹐呢種橙色嘅年糕原來只係廣東先有嘅新年食品,係中國唔同嘅地方有唔同顏色以及唔同嘅製作方法架!中國國內用作新年食品嘅年糕大概分為廣東年糕、福建年糕、北方年糕、江南年糕、湖南年糕、蜑家年糕、台式年糕等等等等……話!淨係數中國嘅年糕已經一大堆!仲未講日式同韓式。唔同地方嘅年糕味道亦都有唔同架,好似北方用作新年食品嘅年糕係鹹嘅,而廣東用作新年食嘅年糕係甜,只於江南嘅年糕呢就係淡味嘅。講到呢到係咪:「話!」咗一聲呢!原來單單年糕呢種新年食品嘅種類已經多不勝數,所以話呢,中國嘅傳統文化真係博大精深……
 
新年食品 5
仲有其他糕點?

 
2021疫市荀工 時薪高達$300
按圖了解更多

 
新年食品嘅表表者又點知得年糕呢!另一樣代表新年嘅食品您又估唔估到呢?比啲提示啦,正月十五必食嘅甜品。
新年食品 6
芝麻湯圓你又啱唔啱?

無錯喇!我要講嘅另一種新年食品就係湯圓。(PS湯圓同元宵唔同架)廣東、江南人好中意係元宵節即係正月十五一家人圍埋一齊食嘅飯後甜品,有啲家庭會食元宵,有啲會食湯圓。相信大家都知道湯圓喻意係團圓架啦,小編想為大家講嘅嘢當然唔係咁普通啦!湯圓作為廣東、江南一帶嘅傳統新年食品多數係以花生、芝麻同豆沙做餡。不過,係中國嘅其他地方有各式各樣古靈精怪嘅湯圓,咁樣嘅湯圓亦都係當地非常出名嘅新年食品!
新年食品 7
呢個係貴州雞肉湯圓!

貴州雞肉湯圓可以話係湯圓界嘅奇芭,佢地以「眾家皆甜,唯我咸鮮」作為定位,以雞肉、豬肉等食材作為湯圓嘅餡。你地可能問,咁怪嘅新年食品邊個會食呀?我只可以話呢個只係一個冰山一角嘅例子!
新年食品 8
湯圓BOSS:心肺湯圓!!!

所謂沒有最怪,只有更怪。四川嘅心肺湯圓唔單只係湯圓界嘅奇芭,仲係最驚天地泣鬼神嘅新年食品!齋睇名大家都可以想象到呢種湯圓係由豬心豬肺所製作成。有機會嘅話小編都想試下呢個咁神奇嘅配搭。唔知大家係新年中意食邊種新年食品呢?留言話比我地知啦!
 
【延伸閱讀】重陽節 – 重陽節除咗登高,仲要做乜?
【延伸閱讀】中秋節食咩好?應節食品又有咩含意?
 
此文章純屬 Blogger 個人分享,並不代表本網誌立場。



 

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師



DSE讀得咁辛苦,想活用知識黎賺下外快?


Copyright © 2023 Tutor Circle 尋補. All rights reserved. 此文章未經許可,不得轉載。
Copyright © 2023 Tutor Circle 尋補. All rights reserved. 此文章未經許可,不得轉載。

想搵 好多好多私補學生

緊貼尋補 BlogFacebookInstagram,想尋補?搵Tutor Circle

 
Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

 

*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Circle 尋補 對信息或內容所招至的損失或損害,不會承擔任何責任。


尋補?Tutor Circle!

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言