生物 醫學 工程 出路

【生物醫學工程出路】新興行業係香港有咩工種可以揀?

studentconversion
tutor registration

Biomedical Engineering,可以話係香港一科幾引起廣泛討論既學科,隨著唔少係生物醫學上既進步,人類既健康水平不斷提升(已發展置家),人類對醫學既需求愈黎愈大,如同《人類大歷史》作者Yuval Noah Harari所講,當生物醫學工程、半機械人工程持續發展,人類將會變成神人,自由掌控基因同生老病死,從「智人」化身為「神人」。
加上人口老化、慢性病等健康議題愈黎愈嚴重,3D打印技術又漸漸應用係醫學領域,唔同本地高等院校又不斷將BME升格為學科並招兵買馬,BME既學生既前路係唔係一片光明呢?Tutor Circle尋補講下新興行業。


開設課程既大學

UST雖然都已經開設左BME,但仲未正式係JUPAS收生。
 

BME Courses (只列出部份)

  • HKU – Advanced biomedical signals and systems 進階生物醫學訊息及系統
  • HKU – Biomechanics and biotransport 生物力學及生物運輸
  • CUHK – Medical Robotics 醫學機械人
  • CUHK – Biomedical Imaging 生物醫學圖像
  • Poly – Biomedical Instrumentation and Sensor  生物醫學測量儀器及感應器
  • Poly – Applied Electrophysiology 應用電流心理學
  • City – Engineering Mathematics and Statistics  工程數學及統計
  • City – Tissue Engineering 組織工程

大家應該都對BME呢科有個大體既image,接住落黎左可以講下呢科既出路!
 



BME 出路

1. 醫院生物醫學工程師

生物 醫學 工程 出路
圖中為沈嘉雨(Sam)唸大學時主修生物醫學工程,現於屯門醫院任職生物醫學工程助理工程師。 資料來源:明報

可以係政府機電工程處輆下衛生工程部,去唔同公立醫院任職,或者去私人機構既私人醫院任職亦可。呢份工可以話最應用到BME grad既所有學到既野,日常既工作就係檢查同埋維修醫學儀器既功能,同醫生溝通,用優化儀器去幫助完善醫院既醫療系統,甚至協助規劃同制訂合適既方案,去買種儀器最有效改善醫院既質素等,呢份工絕對係好多BME學生理想既行業,但近年愈黎愈多院校開設相關課程,醫療系統未必吸納得到咁大量既人力,所以如果要成為Biomedical Engineer既話,可能會有大競爭,要有心理準備,好好準備自己。
 


Copyright © 2023 Tutor Circle 尋補. All rights reserved. 此文章未經許可,不得轉載。
Copyright © 2023 Tutor Circle 尋補. All rights reserved. 此文章未經許可,不得轉載。

2.科技器材銷售

生物 醫學 工程 出路
主角Will Smith藉著賣手中既儀器令到家人失去容身之所。

唔知大家有冇睇過”The Pursuit of Happyness”呢套戲(非常推薦!),主角Will Smith一開始就係靠同唔同醫院賣醫療儀器維生,科技器材銷售就係咁啦,要去sell唔同既機構同醫院買你既product,有啲人就會問,點解我唔一畢業就去sell野,要讀多4年先黎sell?
冇錯,冇讀過書既都可以sell,但係有相關專門知識既你,係一啲行業既晉升階梯一定要比其他非BME既科好,試諗下,一間靠BME起家既公司會唔會想多啲BME既人上位,當然想啦!因為你有呢方面既知識,有晒基礎,可以幫到公司好多technical上既問題呀嘛!
 

3.研發人員

生物 醫學 工程 出路
呢一行係香港黎講聽落好離地,覺得係香港玩科研姐係乞食,香港既醫療水平又唔夠歐美高,雖然事實如此,但香港其實係呢一方面已經急起直追緊,唔少大學院校都有研發自家醫學儀品,並得到置外認證,例如「拓撲流體二極體」(Topological liquid diode),研究成果係科學界權威《科學》雜誌子刊《科學進展》中發表,香港生物醫學已經默默起步緊。
 

4.出國

生物 醫學 工程 出路
頭先雖然話BME係香港都可以投身研發行業,但機會實在唔多,但如果跳出香港,去到大陸、歐美等地,就會發現有好多關於BME新既機會,例如中國近年大力發展「大健康」,對於醫學上既投資絕對唔少,美國一直以黎都係醫學界既領頭,對呢方面既人力需求只會加唔會減,對於BME未來既出路,唔洗限死自己要係本地,去唔同既地方了解下同繼續進修,一定會見到更多BME既發展機會!
 

5.繼續進修

生物 醫學 工程 出路
CU Secret有一篇文章指出BME出身既人其實係各方面既能力都唔錯詳見《好心D人咪係咁叫人讀BIOMEDICAL ENGINEERING推人入伏啦》,物理、生物、數學、Programming全部都有底,
可能有人會話係周身刀冇把利,但你都可以解讀成為有更多既可能,當你係每方面都接觸過既時候,你可以了解更多自己想/擅長讀咩,開拓更多唔同能力,再揀其中一門進修上去,其實唔一定係一件你壞事,可能你起步比人遲,但你更清楚知道自己係追求緊啲咩。
 

6.其他

其實仲有好多熱門出路既,例如做lab、做老師、做政府工、IT等等,只要你有興趣其實做咩都可以,唔好比major限死晒。
 

總結

BME係香港既機會唔多,好多人都嫌唔夠專同精,唔夠職業導向,第時搵工前路好一般,其實好多時出路好路好、前景點點點,都係我地自己set比自己既限制同框架,遮蔽左BME背後隱藏既機會同未來發展既優勢,如果你對呢方面有興趣,又自問係有能力既人,Why not?
 
 
【延伸閱讀】Public Health 出路 – 公共衛生係咪做衛生處?!
【延伸閱讀】biomedical science 出路 – 係香港讀生物醫學,哈⋯⋯
 
此文章純屬 Blogger 個人分享,並不代表本網誌立場。
 

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

 

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle
 
Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

 

*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Circle 尋補 對信息或內容所招至的損失或損害,不會承擔任何責任。


尋補?Tutor Circle!

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言