暑期工

【暑期工兼職2023】中學生暑假想返part time 8大選擇!

studentconversion
tutor registration

中學生可以做嘅暑期工選擇其實並唔多,始終返工時間唔長,唔似大學生開咗sem都可以返part time,中學暑假又短,要搵工返都幾頭痕!所以,今次Tutor Circle 尋補就為大家介紹一下一啲大部份會請中學生嘅工,等大家可以參考一下,等各位學生喺2023年放假既時候都有方向去搵暑期part- time工作。


1. 侍應

呢個唔洗我多講,飲食業係最容易請中學生嘅工種之一。因為餐廳通常都需要呢啲短期暑假人手,只要面試時表現得對飲食行業好有興趣,相信都好大機會請!

比個小貼士大家,通常侍應請人都唔會放招聘廣告係網上,因為餐廳冇呢個時間去做,所以暑假前直接問間餐廳或者睇下門外有冇寫住請人,係個十分好嘅方法。千祈唔好以為上網就揾得到咁多工呀!要試下揾下快餐店,好似M記、大快活等,或者西餐廳中菜館都會請中學生暑期打工。



時薪方面,侍應大約HKD$50–$70左右。另外,記得唔好兩、三個人一齊去見工,咁樣會比到主管一個唔認真,似係嚟玩嘅嘅印象。


Copyright © 2023 Tutor Circle 尋補. All rights reserved. 此文章未經許可,不得轉載。
Copyright © 2023 Tutor Circle 尋補. All rights reserved. 此文章未經許可,不得轉載。
暑期工
飲食業長期唔夠人手,撞正暑假多咗人消費就更加需要員工,所以即使係返短期嘅中學生都會請。(圖片來源 

2. 倉務員

倉務員通常都比侍應高人工,常見嘅倉務員人工時薪介乎HKD$50–$100。人工高啲,工作量亦自然大啲,倉務員通常都要出賣大量勞力,常見倉務:機場、葵涌貨運碼頭等。機場貨運暑假需要好多嘅人手,所以大家可以去打聽一下。

呢類工作喺兼職網或者手機App都可以輕鬆揾到,Moovup求職平台就提供了超過5,000份前線職位空缺,尤其是包裝員、倉務員,以及文員,只要有手機就隨時都申請到,尤其方便我哋呢代機不離手嘅年輕人。不過,要留意嘅地方係,倉務工作通常都只係請夠18歲嘅男仔,唔夠18歲好多時都唔會請㗎!

暑期工
倉務員要求大量體力勞動,通常淨係請夠18歲嘅男同學。(圖片來源

3. 文員

文員對比以上工種既工作量當然無咁多啦,大部分都係請人返黎入下資料同做下打雜,有時候可能幫老細做下跑腿咁。雖然有冷氣嘆,不過人工相對地較低。時薪介乎HKD$50–$65。

如果你英文能力好嘅話,可以考慮應徵下中環office禮拜六日嘅前台咁,人工就會高啲!好多公司嘅招聘廣告係求職網都會見到,例加Jobmarket。除此之外,兼職或者暑期工嘅文員競爭好大,而且好少請人。想做文員嘅大家就要mon實邊間公司請人喇!

暑期工
文員係office有冷氣嘆又有得坐,係好多中學生都想返嘅part time,但相對嚟講比較少請人。(圖片來源

4. Sales

Sales亦都係一個唔錯嘅選擇,容易請人!因為售貨員都係長期缺人,但係日本牌子嘅公司好似Uniqlo同H&M咁,管制會多啲,佢地會要求你買500蚊佢地嘅衫,之後當制服!好多大型商場好似SOGO會暑假請好多中學生去應付ThankfulWeek。

人工方面,sales嘅人工其實都唔錯架,介乎HKD$50–90,都係視乎你邊間公司,做到名牌sales真係HKD$100都唔出奇㗎。如果女仔嘅話可以考慮下化妝品牌好似YSL、MAC嘅Part-time Sales;男仔嘅話就可以試下賣衫,好似Dickies、H&M等。

不過就要成日笑臉迎人,所以都要有情緒管理。此外,Sales多數都有佣金分,小編都做過下相機Sales,人工再加佣其實對學生嚟講真係唔錯㗎!

暑期工
唔想做飲食業嘅同學仔都可以考慮下做sales,都好易請人。(圖片來源

5. 補習導師

你可能會問,唔係大學生先至可以幫人補習咩?起碼都要有張DSE成績表呀?如果你係中學嘅成績唔錯,你一樣可以幫小學或者初中既學生補習,而唔少補習社都會請高中學生去協助功課輔導班,尤其係鄰近屋邨嘅小型補習社,主要都係幫佢地完成功課,對下答案,同睇住佢哋!

其實除咗去補習社睇下有冇請人,你都可以喺Tutor Circle 尋補申請做導師,我哋會幫你配對學生,只係收首兩堂學費做中介費。其實不少小學生家長都想為小朋友搵個私補老師跟下功課、温下測驗。一個鐘大約係HKD $150–$250 到,時薪可以高達$350。如果時間可以,開咗學之後你都可以繼續補,少時間得嚟又多錢,性價比直情係正啦!我哋好多學生個案啊,快啲嚟申請啦!

👇🏻即睇影片👇🏻

暑期工-補習
補習老師並唔係大學生既專利,中學生一樣可以做!(圖片來源

6. 臨時演員

周星馳係喜劇之王入面,都係由臨時演員(茄呢啡)開始做起,對演藝行業有興趣又想賺下外快?臨時演員就啱晒你。「精神啲,臨時演員都係演員」,有份參與電影戲劇嘅拍攝,仲有機會係大銀幕見到你,仲唔考慮下?
臨時演員通常會演學生、路人咁,其實做嘅嘢亦唔難。除咗電影或者電視劇,亦都有好多廣告拍攝。而且人工都好可觀,做嘅嘢又唔辛苦。小編中學嗰陣都有參與過廣告拍攝,幾乎齋坐幾粒鐘就有$400袋,真係唔錯㗎。坊間有好多炒散WhatsApp group或Facebook group都會張貼告示請臨時演員,每次都有唔同嘅需要(身高、肥瘦、性別、外貌等),不妨自己去留意下。

暑期工
臨時演員下一步隨時一躍而上成為專業演員,下一個星爺可能就係你。(圖片來源:蘋果動新聞)

7. 問卷調查員/派傳單

唔少公司都話請問卷調查員去訪問返客戶對公司既意見,係街邊請路人幫佢地填資料,之後再根據呢啲資料進行銷售;無論係街上面派傳單定係叫人填問卷,都係需要日曬雨淋,而且要遭受途人既白眼。通常有少少服飾要求,例如係白T或者黑色短褲咁。
補習社、興趣班、餐廳、Event等都會請人派傳單,所以都幾多職位空缺。而派傳單時薪大約係HKD $45–60 到。如果你想磨煉下自己嘅意志力,一試無妨!

暑期工
派傳單雖然辛苦,但人工會相對高少少,而且可以磨煉自己。(圖片來源

8. Blogger 寫文

只要你有基本嘅語文能力,你都可以寫下做呢份工。其實唔少公司都會搵人寫Blog ,增加公司網頁嘅曝光率。我哋 Tutor Circle 尋補 都請啊!寫Blog除咗可以分享自己嘅經驗,例如DSE温書攻略,亦都可以分享下美食、旅行嘅難忘事等,而且可以坐Office/在家工作,環境舒服。如果你鍾意寫嘢,噉呢份工就絕對啱你啦!

做Blogger嘅時薪要視乎經驗,中學生無乜經驗嘅大約都有HKD$50–$70左右,最好應徵時就附加你嘅文章,畀僱主睇下你嘅文筆,不過無經驗都唔怕,肯學肯努力嘅通常都會請。各位中學生,絕對歡迎你嚟申請做尋補Blogger啊!

暑期工
只要你有基本嘅語文能力,你都可以寫下寫blog!(圖片來源

總結

今次中學生暑期part-time工作有咩揀就去到呢到喇,大家決定好自己想做咩兼職未呢?無論做咩工都好,最緊要安全第一,同埋要睇清楚啲合同先好簽約呀!比人呃就得不償失喇!

延伸閱讀:
【搵工易】搵工好難?搵工話咁易?「我只係用一部手機」
【見工面試】自我介紹最易出錯?8大面試禁忌逐個捉
【大學筍工】讀U都可以時薪過百?必搵5大筍工推薦!

*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Circle 尋補 對信息或內容所招至的損失或損害,不會承擔任何責任。
暑期工
暑期工

尋補?Tutor Circle!

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言