下午茶自助餐

【下午茶自助餐】2021放假去邊食Tea Buffet?附優惠情報

香港人成日都要搏殺,呢個月冇假期,工作壓力自然會變得好大,唔知大家有冇咩方法,可以幫自己減壓呢?小編極度推介大家可以同朋友一邊嘆番個Tea,一邊傾吓心事,其實都幾寫意!有唔少酒店都推出左唔同主題下午茶自助餐,為客人炮製美味既食物,以吸引食客去品嚐。食下午茶自助餐有唔少好處,唔單止可以用一個比較平嘅價錢,食盡各款美食,又可以無限添加,一舉兩得,絕對可以滿足大家想食到飽嘅願望!今日Tutor Circle 尋補嘅小編就同大家介紹一下五間酒店嘅下午茶自助餐,等我哋一齊嚟睇吓啦!

延伸閲讀:【下午茶自助餐】走進皇室生活,感受尊貴的“非物質文化遺產”

延伸閲讀:【甜品店】邊間甜品店值得去?邊度有好野食? 

1. Marco Polo 馬可勃羅酒店:栗之季節週末下午茶自助餐

 Marco Polo 馬可勃羅酒店:栗之季節週末下午茶自助餐
Marco Polo 馬可勃羅酒店:栗之季節週末下午茶自助餐(圖片來源

首先,小編要介紹Marco Polo既自助餐。小編相信有好多人都鍾意食芝士。如果你係芝士愛好者,呢個自助餐就啱晒你啦!Marco Polo的下午茶自助餐以芝士蛋糕做主題,款式選擇亦都有好多,全場多達11款芝士蛋糕,包括芒果芝士蛋糕、意大利羊奶芝士蛋糕配西柚、花生醬芝士蛋糕等,賣相十分靚,啱晒大家用相機「打卡」。雖然芝士蛋糕好邪惡,但係肯定無法抗拒!詳情請參閱官網


Copyright © 2021 Tutor Circle 尋補. All rights reserved. 此文章未經許可,不得轉載。
Copyright © 2021 Tutor Circle 尋補. All rights reserved. 此文章未經許可,不得轉載。

供應時段為星期六、日及公眾假期,15:15-17:15。
星期六日收費:HK$168
公眾假期收費:HK$188

2. 港島香格里拉酒店

港島香格里拉酒店下午茶自助餐
港島香格里拉酒店下午茶自助餐(圖片來源

然後,小編要介紹香格里拉酒店。香格里拉酒店的餐飲部曾經獲選為世界最佳,贏得普羅大眾的認同。根據www.gotrip.hk所提供既資料,好多食客都話坐得好舒服,如果有朋友、屋企人生日,不妨帶佢哋嚟呢度食自助餐慶祝!Cafe TOO餐廳內有鐵板燒、半私人貴賓廳、咖啡吧,以及十個化身成美食舞台的烹調櫃檯等等,為食客提供精彩既自助餐及環球佳餚。酒店既下午茶自助餐既主打系甜品,甜品迷一定要出嚟試吓,小編相信甜品迷會無法抵抗,如果你覺得自己系甜品迷,就要留意吓啦!Cafe TOO 會提供多款精緻糕餅、即製法式班戟、傳統中式甜點以及不同口味的雪糕,小編作為一個甜品迷,已經迫不及待,想快啲試吓呢度既甜品(p.s如果有錢的話)。詳情請參閱官網

供應時段為星期六、日及公眾假期 ,15:30-17:30。

恒生信用卡客戶享用下午茶低至75折 (部分日子不適用)
滙豐信用卡優惠

下午茶自助餐75折(星期六、日及公眾假期適用)
推廣期:即日起至2020年12月13日

成人收費:HK$308

小童收費:HK$208

3. 帝京酒店

帝京酒店下午茶自助餐
帝京酒店下午茶自助餐(圖片來源

第三,小編想推介帝京酒店既自助餐。可能大家都有聽過帝京酒店一共推出咗兩款下午茶自助餐,分別係星期六日提供既「Grape-ful Moment下午茶自助餐」,有有熟食和冷盤無限供應。小編聽講呢間酒店嘅自助餐,味道十分出色,佢哋既自助餐亦好出名。如果大家想食返一個以水果為主嘅自助餐,又點可以錯過喺星期一至五供應既「精選甜品下午茶自助餐」呢?除咗大歎香印甜品下午茶,想得到舌尖上既享受之外,大家應該都好關心有冇優惠?其實,酒店有做緊學生優惠,啱晒鍾意食水果嘅學生去試吓!當小編介紹緊呢間酒店既自助餐,都已經睇到流灑口水,想快啲去食。如果想去一個舒適嘅環境,幫自己充充電,不妨去帝景酒店食返餐自助餐,同朋友傾吓心事,詳情請參閱官網

供應日期由即日起至2021年1月3日。逢星期六日及公眾假期15:00-17:00供應。
成人收費:HK$265
小童收費:HK$165
*另收加一服務費

延伸閲讀:【香港茶餐廳】茶記邊只係有得「食」?茶記介紹 

延伸閱讀:【下午茶自助餐】邪惡芝味放題$168!芝士噴泉、芝士醬炸雞、任食15款芝士,仲有MÖVENPICK雪糕

4. JW萬豪

JW萬豪下午茶自助餐
JW萬豪下午茶自助餐(圖片來源

第四,小編要介紹JW萬豪酒店既自助餐。呢間受盡大家熱捧既酒店,都有推出下午茶自助餐,而且佢哋系星期一至日都有供應,酒店會提供唔同既食物,包括香港人去酒店必食既壽司刺身、香氣迷人既芝士冷盤、新鮮沙律等等,食物種類花多眼亂,十分豐富,肯定總有一樣啱你心意!唔單止有好多食物,可以俾大家選擇,而且環境舒服。不如快啲呢個weekend,同朋友一齊過嚟嘆下午茶,踏足呢個可以暫時俾你避開煩惱既小天地,忙裏偷閑,渡過美好既假期。詳情請參閱官網

供應時間為星期一至日15:00-18:00。
星期一至五:
成人收費:HK$288
小童收費:HK$208
星期六日及公眾假期:
成人收費:HK$368
小童收費:HK$258

5. 香港萬麗海景酒店

香港萬麗海景酒店下午茶自助餐
香港萬麗海景酒店下午茶自助餐(圖片來源

最後,小編要介紹萬麗海景酒店既自助餐。相信玫瑰及士多啤梨一向系女士最期待既食物,充滿少女心,香港萬麗海景酒店的Mirage Bar & Restaurant就以這兩大元素為迷人莓瑰下午茶主題。精選時令韓國士多啤梨及瑰玫製成玫瑰士多啤梨撻,有淡淡既玫瑰味,加埋新鮮嘅士多啤梨,十分清甜,而且賣相十分靚,可以盡情打卡。另外,佢哋亦有提供士多啤梨芝士蛋糕及士多啤梨馬卡龍等甜點,如果大家驚空肚食甜點,個胃會唔舒服,就可以食少少鹹點先。鹹點包括有牛肉他後同埋慢煮雞肉三文治等,都十分有特色同埋別緻。可能大家都好想知道喺呢度食下午茶自助餐有冇discount。其實,其實每日頭80位食客可以憑恆生信用卡預訂,即可享半價下午茶優惠,如果大家真係搶到呢個優惠,小編覺得個價錢應該會十分划算。第81位食客起憑恆生信用卡則可享買3送1下午茶優惠,大家要記住早啲去食,個價錢會比較平啲!大家仲唔快啲過去嘆下午茶!詳情請參閱官網
供應日期由即日起至12月13日,15:00-17:30。
收費:$488/2位
*另收加一服務費

總結

以上就係小編介紹嘅五間酒店下午茶自助餐。去食下午茶自助餐唔單止可以減吓壓,仲可以品嚐各款美食,大家仲想唔想宅喺屋企呢?最近,下午茶自助餐成為潮流,有唔少人都會選擇嘆住自助餐,同朋友聚會。其實,而家有好多酒店都做緊promotion,大家不妨上網搵定啲資料,再去食,可能會得到意想不到嘅優惠!無論係幫朋友大肆慶祝生日,定係想搵一個地方,放鬆心情,同屋企人一齊享受天倫之樂,食tea buffet都係一個唔錯嘅選擇。不過,小編要澄清返一樣野,就係以上嘅資料,小編都唔係好肯定係唔係最update嘅,但係小編都有上去一啲網站check過,應該大部分既tea buffet仲末過期。如果大家想確保自己真係有得食小編頭先所介紹嘅tea buffet,唔想摸錯門釘,就打俾酒店check左先咁就萬無一失啦!

延伸閲讀:

【甜品食譜】得閒冇嘢做想挑戰甜品食譜?甜品製作大秘訣 

【生日好去處2020】臨近生日?盤點2020生日好去處! 

資料來源

留言