You are currently viewing 【海外留學】沖出香港!想做「海龜」有咩要知?

【海外留學】沖出香港!想做「海龜」有咩要知?

  • Post author:
  • Post category:升學出路
  • Post published:2020-06-22
  • Post last modified:2020-06-22
studentconversion
tutor registration

 

海外留學 揀邊個國家好? 圖片來源
海外留學一向都係唔少香港學生嘅選擇,有學生希望擺脫香港大壓力嘅教育制度,有學生希望喺海外嘅名牌大學修讀學位,增加自己嘅競爭力,亦有學生希望可以感受一下外地嘅文化,增廣見聞,無論咩原因都好,海外留學都係一條吸引嘅出路。等Tutor Circle尋補馬上為大家介紹一下有咩熱門嘅留學國家啦!
 


英國


英國劍橋大學
圖片來源
 
英國一向都係唔少香港學生留學嘅首選,英國教育制度完善,加上因為歷史原因,香港同英國嘅文化差異較少,學生唔會遇上太大嘅障礙,而且,一般來講,英國嘅大學喺香港比較吃香,坐擁劍橋及牛津等全球最佳學府,喺雇主心目中比較加分,學生留學歸來之後競爭力比較高。
 
除咗學術之外,治安亦都係留學學生一個比較貼身嘅考慮,係留學國家來講,英國算係比較好,英國人亦出名友善,出現種族歧視嘅情況比較少,留學生會比較安心。加上英國歷史文化源遠流長,好多藝術館同埋博物館都係對學生免費或者有優惠嘅,留學期間,學生可以利用課餘嘅時間參觀博物館或者觀看唔同嘅演出。
 
英國另一個比較實際嘅好處就係佢嘅地理優勢,英國位於歐洲,同學喺留學期間,即使係去短途旅行亦都有比較多嘅選擇,幾個鐘就可以去到唔同嘅歐洲國家!
 

美國


美國哈佛大學
圖片來源
 
同為英語系嘅國家,美國亦都係一個好熱門嘅留學選擇。客觀而言,美國坐擁唔少嘅權威大學,哈佛、耶魯、普林斯頓、麻省理工等都係美國嘅知名院校,選擇多樣,尤其係商科、管理等等嘅專業具有競爭優勢。
 
美國嘅教育制度同香港或者英國有比較大嘅分別,一般來講一個學位係三年內就可以完成,碩士課程亦都可以係一年內修讀完畢,同學可以同時獲得主修加扶手學位甚至係雙學位但係唔需要花費兩倍嘅時間同埋費用。
 
另外,美國大學非常重視對於人才嘅吸引同埋投資,即使係留學生,申請到減免學費、全額或者部份獎學金嘅機會亦都非常之大,如果學生在校表現出色,獎學金甚至可以支持留學生讀書期間嘅全部學費同生活費,呢一點喺其他留學國家係幾乎冇可能做到嘅。
 
 



台灣


台灣國立大學
圖片來源
 
唔想下下要搭十幾個鐘頭飛機?怕自己留學會太掛住屋企?如果係咁,距離近嘅台灣可能係你嘅最佳選擇。
 
相比起喺美英澳加等國家,台灣留學嘅費用比較便宜,當地嘅生活水平亦都比較低,唔會對留學生造成太大嘅經濟壓力。加上當地人親切有線,治安好,所使用嘅語言同埋文字都係香港人比較熟悉嘅,留學生比較容易適應,更加容易打入當地嘅圈子。
 
值得留意嘅係,台灣嘅大學一般來講修身較少,以作為頂尖大學嘅台大為例,一年只不過係收大約3000名學生,其他一般來講亦都只不過係收1000至2000名左右嘅學生,因此,台灣學生人均享受到嘅教育資源相對比較多,可以享受更高質素嘅教育。
 


Copyright © 2023 Tutor Circle 尋補. All rights reserved. 此文章未經許可,不得轉載。
Copyright © 2023 Tutor Circle 尋補. All rights reserved. 此文章未經許可,不得轉載。

總結

到外地留學,固然係一個新奇嘅體驗,但其實,最重要嘅係要睇吓當地嘅學府有冇提供你心儀嘅課程,切記要興趣行先,咁樣留學先有價值㗎!
 
延伸閱讀:【哈羅公學】香港唯一英式寄宿國際學校
延伸閱讀:【移民公司】移民公司點揀好?自己搞又得唔得?
 
 
此文章純屬 Blogger 個人分享,並不代表本網誌立場。
 
 

想追返學校進度?Tutor Circle尋補有超過35,000個三大導師,最快兩小時幫你搵一個優秀既上門導師!

想搵 一個合適既私補老師

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebookInstagram,想尋補?搵Tutor Circle

 
Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

 
 
 
 
 

*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Circle 尋補 對信息或內容所招至的損失或損害,不會承擔任何責任。


尋補?Tutor Circle!

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言