【大學畢業生】為大學畢業生解答今年搵工疑難！

Post author:Estherccy
Post category:升學出路 / 小編分享
Post published:2020-06-29
Post last modified:2020-06-29

相信踏入5月尾，好多大學畢業生都會出盡全力去搵工，眼見身邊好多同學朋友都已經攞到job offer，自己又未有著落，加上而家市道唔太好，搵工變相難左，會唔會覺得好徬徨呢？今次Tutor Circle尋補就為大家解答大學畢業生普遍嘅疑難，以及俾貼士俾搵緊工嘅大家。

解答大學畢業生搵工嘅疑難

Q1. 點解今年咁難搵工？出面市道係咪真係咁差？
受到全球肺炎疫情影響，加上經濟放緩，今年香港嘅市道真係變差左，有好多公司都有縮減成本同資源嘅念頭，令佢地嘅招聘意欲下降。雖然係咁，公司都需要繼續運作，而每間公司運作都需要人力，所以公司嘅招聘活動都會繼續落去，咁多位大學畢業生唔洗擔心，仲係有機會，只係招聘過程會推遲同慢左，最重要係僱主嘅選擇會變得更為謹慎。

圖片來源

Q2.寄左幾十份CV，都仲未有回音，或者係面試完無下文，應該點算？
對應屆大學畢業生黎講，搵工最難嘅地方就係要考驗心理質素，眼見其他同學都搵到工，心入面自然就會好著急，但係要記住，搵工呢個過程可以磨練心理質素，盡可能嘗試調整一下心態。如果嘗試調整完心態後，都係無面試機會，或者見完工無回音，就要檢討下搵工策略，例如CV同面試技巧，盡可能睇下有咩位需要執下，或者去大學報面試技巧班，相信大部分大學都有職業輔導組幫助同學執CV同練面試。另外，其實搵工係一個講求策略嘅過程，好多人第一次搵工同面試，因為未掌握模式，但只要試多幾次，就會變得熟能生巧。

Q3.份份工都話要有經驗，我無經驗可唔可以報？
工作上要求經驗有時未必係講緊全職工作嘅經驗，可以係指緊兼職或在校內舉辦活動嘅經驗，你只要講明呢啲經驗同學到嘅野可以應用係新工作，相信有啲僱主都會考慮。如果見到招聘廣告中列明 Fresh Graduates are also considered，無任何工作經驗嘅畢業生都可以申請。不過如果招聘廣告中列出Applicants must have at least XX years relevant experience，完全無相關經驗嘅畢業生可以唔洗浪費時間係申請一啲機會渺茫嘅職位。

圖片來源

Q4.降低左Expected salary，會唔會有啲公司叫我去面試？
公司招聘過程中，HR會將奇怪嘅CV過濾走，你寫嘅人工太低或太高，HR都會覺得有伏，唔會俾面試機會你。如果你寫嘅人工高過市場需求，而驚導致缺少面試機會，建議係Expected salary後加上「Negotiable（可面議）」。