舊書回收 香港

【舊書回收】DSE過後「遺物」終需棄置?不如考慮舊書回收

  • Post author:
  • Post category:小編分享
  • Post published:2018-09-10
  • Post last modified:2018-09-10

呢到幾十本書,果到幾百版notes。佢可能係你昔日嘅戰友,你見佢可能仲多過見你屋企人。但係係文憑試之後,你就連望都唔會望下佢。既然你咁無情,不如你將佢讓比另一個人,等佢有個好歸宿啦。雖然你可能會好珍惜佢,每一頁都寫滿咗你嘅心血,係你奮鬥過嘅痕跡,唔捨得扔咗佢,咁你又冇有諗過舊書回收呢?重新幫佢搵返自己嘅價值,而家就同Tutor Circle 尋補睇下舊書可以有咩去處。
 


點解要舊書回收?

1. 環保

你睇一本書,地球就無咗數以百計嘅紙。為咗唔洗下世做樹補償番,舊書回收就係一個慳資源嘅好事。可能一次嘅舊書回收就救咗好多嘅樹。舊書回收,係為環保出一分力。

舊書回收 香港 - tree
一本書咁厚要斬好多棵樹先得,出於環保考慮,舊書回收可以救返唔少樹木架。

 

2. 延續知識

讀書咁耐,儲埋儲埋有唔少知識,筆記亦都做咗好多,為咗唔好將自己一番心血掉落垃圾桶,將佢比有需要嘅人亦都係一個好選擇。所以舊書回收其實係間接將知識傳開去,為世界出一分力。

舊書回收 香港 - knowledge
有啲同學中意抄notes係書度,呢啲可以成為你師弟妹珍貴嘅學習資源,唔妹浪費咗你嘅一番心血喇。

 



3. 騰出空間

如果將你嘅書同筆記疊起,相信可以疊到上天花板。所以,為咗令到屋企可以擺新野,舊嘅唔去,新嘅點嚟?同埋,見到屋企有一堆雜物,我相信邊個見到都唔會太開心。所以,為咗屋企嘅空間著想,都係趁早清理舊書啦。

舊書回收 香港 - space
香港地地方細,空間有限,唔係個個屋企都有位容納咁多唔需要嘅野。

 


Copyright © 2022 Tutor Circle 尋補. All rights reserved. 此文章未經許可,不得轉載。
Copyright © 2022 Tutor Circle 尋補. All rights reserved. 此文章未經許可,不得轉載。

舊書回收點樣做?有咩渠道?

1. 賣比書商回收

將你嘅教科書拎去書商到當舊書賣,可能都會收到一筆唔小嘅錢,但前提係呢本書未出新版。因為有d教科書每年都會出新版,如果係咁,你本舊書可能就無人買。除此之外,拎住咁多本書係書商間遊走,又重又要行得遠,其實都係一件幾煩嘅事,尤其是依家夏日炎炎,真係好辛苦架。
 

2. 轉贈比朋友

如果想幫一幫之後想睇書/溫書嘅朋友,轉贈比佢哋其實都可以幫到佢哋。雖然咁樣收唔到錢,但幫朋友唔係用錢可以量度。而朋友如果睇到你本舊書有唔明嘅地方果陣,更加可以問番你,因為你正正睇過呢本書,或者你係寫筆記嘅果個人。另外,呢種舊書回收嘅方法,既方便,又快捷!
 

3. 捐出去

可能好多人都無諗過呢樣野,但係將舊書捐出去比有需要嘅人,其實都係一件好有意義嘅事。有意可以睇下環保署嘅網站,或者自己上網搵,睇下幾時有捐書活動。將舊書搬走,又可以做善事,利人又利己。
 

4. 上網賣

依家social media好流行,好多人都會將書同筆記放上網賣。所以,如果自問自己嘅舊書/舊筆記有一定質素,都可以將佢放上網賣。如果搵到岩嘅買家,就可以好方便咁搵到一筆錢之外,仲可以慳番唔少時間。除咗social media之外,有d app,好似CarousellSparktakeYahoo拍賣咁,都可以幫你賣到呢d舊書。
 

總結

最後,我明白d人唔想嘥咗本書而將佢留低,但其實將本書放係書櫃到唔睇,都係一種浪費嚟,希望大家捐唔捐舊書都好,都要溫故而知新。
 
延伸閱讀:
【二手教科書】5個舊課本買賣平台推薦!方便快捷地賣出舊書!
【小學練習】免費工作紙下載!小一至小六各科補習/自學教材


*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Cricle 尋補 對信息或內容所招至的損失或損害,不會承擔任何責任。


尋補?Tutor Circle!

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言