【買股票】新手買股票開戶口應該揀邊間好？

好多香港人都鐘意買股票，全因為開戶投資簡單，又方便，又可以自己操作，買入賣出都可以全部自己話事。而為左吸引投資者，有唔少銀行同證券行都推出免佣、送藍籌股份等優惠吸引客人黎開戶買股票，今次Tutor Circle 尋補就為大家分析到底去銀行定係證券行開戶買股票會比較好？
延伸閱讀：【GME事件懶人包】遊戲驛站4大重要概念！何謂做空/軋空？

銀行股票戶口

首先，想買股票開戶口開邊間好？有唔少人一開始都會透過銀行開戶去買股票，而大部分人係銀行開戶口嘅原因係穩陣，不過一般銀行買股票時都會收取手續費，最低消費都要$100起，而且有部分銀行股票戶口有股票時平均每個月仲要收存倉費，咁當然唔係間間都會收存倉費，佢地嘅計算同收費方法都會唔一樣，要自已留意。

證券行股票戶口

圖片來源

圖片來源
另外，除左係銀行開戶之外，仲可以經證券行買股票，證券行嘅佣金收費會比銀行低，手續費同收費都會同銀行唔同，當然要視乎同邊一間銀行比較同投資策略啦。經證券行開戶前，要留意佣金收費之外，都要留意證券行持有咩牌照，如要查詢牌照資料，可到證監會相關網頁。

銀行及證券行開戶比較

資料來源

銀行	證券行
開戶方法	親身到分行登記或進行網上開戶	線上及線下開戶，惟部分需親身見證
資金存入方法	以儲蓄戶口資金過戶	以現金、支票、轉帳及轉數快等方式
其他雜費	經紀佣金及第三方徵費等	經紀佣金、第三方徵費、固定月費、交收費及平台費等

延伸閱讀：【保險牌】最低入行成本340蚊？保險牌考試簡介

開股票戶口步驟

圖片來源

然後，而家唔少銀行同證券行都提供網上開戶，先係官方網站或手機應用程式申請，再填寫個人資料、遞交身份證和住址證明等證明文件、並完成風險披露。然後存入所需嘅資金入去股票戶口，完成認證帳戶，隨後便可開始投資買股票架啦。
如果投資者選擇去實體分行開戶嘅話，就要親身同證券行會面，同樣都係需要提供證明文件及存入所需資金，最快當天已可開到股票戶口。

第一次投資必學

1. 準備投資預算

第一，買股票，例如買港股前，應確保自己有穩定的流動資金，除了用來投資外，也要預足夠半年或以上的生活開支的金錢儲備。驚自己洗大左或者唔識分配金錢運用，都可以下載智能理財app分析個人財務。可以以「6-3-1」比例，把薪金分配於日常開支、投資及儲錢上。這樣一來，便可以以免入市後金錢分配唔到啦。

2. 選用低收費證券戶口

第二，作為新手投資者，當然投資既本金同預算都相對細，所以每宗交易既行政費既影響都好大。有啲證券戶口每宗交易的各項佣金同埋雜費加埋加埋都要超過100元，如果買股票選用收費較低甚至免佣的證券行，每宗交易收費可以少過20元，支出比用銀行戶口投資便宜得多㗎！

3. 分散投資平衡風險

最後，每個人投資風險的承受能力都有所唔同，所以買股票前，無論買港股或買美股，一定要好好了解自己的狀況。每隻股票實際有幾多回報都要參考好多唔同數據，好似企業表現、市盈率、股息率、派息日期等等，所以一定一要做足功課！就算自己對某集股票好有信心都好，回報較高的投資，風險通常都較高，分前投資平衡風險先係最安全！

總結

總括而言，希望以上資訊可以幫到你地，如果大家想知得更詳細，可以去銀行同證券行網頁或者分行查詢一下開戶買股票嘅資料。最後，大家要緊記作出投資決定前要審慎，以及主動留意市場最新狀況。
延伸閱讀：【QFin出路】計量金融學讀咩？DSE幾分先入到QFin？
延伸閱讀：【風險管理出路】讀完Risk Management 可以做乜？未來ibanker？

*此文章純屬 Blogger 個人分享，並不代表本網誌立場。

想追返學校進度？Tutor Circle尋補有超過50,000個三大導師，最快兩小時幫你搵一個優秀嘅上門導師！

想搵一個合適嘅私補老師

DSE讀得咁辛苦，想活用知識嚟賺下外快？

想搵好多好多私補學生