【84校網】創校50年傳統小學 – 大埔舊墟公立學校

Post author:Estherccy
Post category:學校簡介
Post published:2020-07-06
Post last modified:2020-07-06

要數大埔區最好嘅小學，大埔舊墟公立學校一定榜上有名。呢間歷史悠久嘅津校校風優良，口碑極高，亦都出名競爭大，今日就等Tutor Circle尋補睇下點解呢間傳統小學咁受歡迎啦！

學校介紹

圖片來源

舊墟公立於1964年創立，位於84校網，並無宗教背景，屬於政府資助嘅男女校，辦學團體為大埔舊墟公立學校有限公司。

學校每年有兩次測驗同埋兩次考試，採取多元學習評估，着重學生生活實踐、自我評估同埋自我實踐的能力，特別留意嘅係四至六年級會按學業成績分班。

舊墟公立全校開24班，有58位老師，班師比例大概2.42，係非常之高嘅數字，香港唔係有好多嘅小學都可以做到咁好嘅班師比例，確保每一班會得到足夠嘅資源同埋關注。

學校設有24個課室，一個禮堂，兩個操場，佔地面積大約6400平方米，屬於大型嘅校園。設施方面，設有一般嘅多媒體音樂室同埋校園電視台，比較特別嘅係設有自學中心同埋陶藝室，並有兩個籃球場同埋游泳館，以津貼小學來講比較罕見。

學校特色

美國文化交流之旅
圖片來源

舊墟公立校訓係「謙、慎、誠、敏」，致力提供優質的全人教育，培養學生德、智、體、群、美、情、靈，七育均衡發展。因而學校亦會比較注重體藝培訓，設早讀及全校廣播操及護脊操，午膳後設有午間活動。每級均設游泳課鍛鍊學生體魄；上課前亦設「活力角」，如短跑及跳繩等。

另外，舊墟公立亦主張鼓勵學生主動探索世界，具國際視野，啟發每個學生的潛能，故投放係呢方面嘅資源都比較多，推動「小眼睛看大世界」跨地域學習計劃，每年都會舉辦海外文化交流計劃，等學生增廣見聞，培養學生國際視野。學生曾到訪美國、日本、首爾、新加坡、北京、台灣、上海、南京、廣州等，體驗海外學習生活及文化。

升學前景

升學前景
圖片來源

升中方面，雖然舊墟公立冇聯繫中學，但派位成續不俗，大部份學生都獲band 1名校收生，當中不乏傳統名校，例如拔萃女書院、聖保羅男女中學等，亦有唔少學生獲派聖公會莫壽增會督中學及恩主教書院等區內名校。

以2018年嘅數據黎睇，入讀英中比率為59.7%，不過校方就冇公開獲派首志願中學嘅比率。