【油尖旺名校】天主教男女小學大角嘴天主教小學（海帆道）

Post author:Estherccy
Post category:學校簡介
Post published:2020-07-06
Post last modified:2020-07-06

九龍區出名係名校網，津校同私校都匯聚一成。到底油尖旺32校網有咩選擇？今日就等Tutor Circle尋補為你介紹下傳統天主教男女小學 – 大角嘴天主教小學（海帆道）啦。

學校介紹

圖片來源

新大天於1972年成立，已經有近50年歷史。係2000年正式搬左去海帆道新校舍，並由半日制轉為全日制。全校一共有30班，每個年級5班，教師則有 58 人，班師比例大概係 1.93，唔算太高。

一至六年級全年共舉行兩次測驗及兩次考試。功課量似乎比較多，學校嘅準則係一至二年級學生每天完成家課所需的時間不多於一小時，三、四年級不多於一小時三十分鐘，而五、六年級則不超逾二小時。

宗教培育

馬槽設計比賽
圖片來源

新大天係天主教男女校，背後嘅辦學團體係天主教香港教區。

學校著重宗教培育，會有唔同宗教活動，例如靈修日、福音營、班際宗教問答比賽等等，亦都會將宗教意念同日常教學融合，例如會有班際馬槽設計比賽，同視藝科合作。

學校特色

校舍設備
圖片來源

大角嘴天主教小學嘅校訓係「博學多識，仁而愛人」(To be knowledgeable; To Love and Serve Others)，學校著重學生係德、智、體、群、美、靈育方面嘅全面發展，力求營造愉快嘅學習環境，培養學生成為有責任感，溝通能力及有環保意識的良好公民，因而會投放較多資源係培養良好品德及建立正確價值觀上。

學校設施方面，新大天佔地面積大約 10,727 平方米，設有 30 個課室，1 個禮堂，4 個操場，以津校黎計，屬於「超大型」嘅校園，亦設有比較少見嘅跑道、沙池、太陽能及風力發電機同埋棋藝軒，想小朋友有多啲地方活動下嘅家長可以多加考慮。

升學前景

升學前景
圖片來源

升中方面，雖然新大天冇聯繫中學，但受惠於名校網嘅緣故，派位都唔錯，大部份學生都獲band 1名校收生，當中不乏傳統名校，例如英華女學校、真光女書院等，亦有唔少學生獲派中華基督教會銘基書院及世界龍岡學校劉皇發中學等區內名校。

以2019年嘅數據黎睇，入讀英中/直資學校比率為61%，獲派首志願中學嘅比率為62%，而獲派首三志願嘅比率為82%。

總結

以津貼學校黎計，新大天嘅風評唔錯，屬區內名校，著重學生全人發展，宗教色彩濃厚，有興趣嘅家長可以考慮下！

【延伸閱讀】2020香港BAND1中學最新排名TOP100
【延伸閱讀】【小學名校】一條龍+傳統名校——天神嘉諾撒學校
【延伸閱讀】【小學名校】進取的學校——天主教石鐘山紀念小學

**現在從Blog 下方按鈕轉載到 Tutor Circle 尋補網站，並輸入優惠碼 ”TCBLOG2020“ 即可有$20學費減免，事不宜遲，馬上去搜索適合導師上課吧**

此文章純屬 Blogger 個人分享，並不代表本網誌立場。