【小學名校】紅磡黃埔名牌小學 – 黃埔宣道小學

Post author:Estherccy
Post category:學校簡介
Post published:2020-07-07
Post last modified:2020-07-07

位於九龍城區嘅黃埔宣道小學係區內一線名校，係35校網內大受家長歡迎，早前亦接受過Viu TV訪問而一時聲明大噪，出名老師有愛心，對成績差嘅小朋友亦有支援，今日就等Tutor Circle尋補介紹下呢間大熱小學啦！

學校介紹

圖片來源
黃宜於1997年成立，係一間資助全日男女校，辦學團體為香港九龍塘基督教中華宣道會，故學校有基督教背景。
學校佔地大約6200平方米，只有30個課室，一個禮堂同埋三個操場，係津貼小學來講屬於大型嘅校園。設施方面，學校設有一般嘅冷氣飯堂、跑道，亦設有比較特別嘅航空探知館，同埋生態魚池。
班級總數為30班，每一級設有五班，教學人員總數61人，班師比例約2.3，可以話中規中矩。學校不設測驗，全年考試3次，以多元學習評估為主，亦有專題研習及進展性評估。一至三年級按能力平均分班；其餘班級按學生英文的成績及性別平均分配。

宗教培育

聖經集誦隊
圖片來源

黃宜係基督教背景，校內宗教色彩濃厚。另設聖經科，主要發展方向係令學生對於聖經有更深刻嘅理解，以建立價值觀，同埋將聖經內容連繫生活。學校會定期舉行唔同活動，例如聖經集誦隊，定有課室作為感恩代禱閣使用，亦都會配合唔同科目，進行跨學科學習。

學校特色

圖片來源

學校嘅校訓係「敬畏耶和華是智慧的開端，認識至聖者便是聰明。（箴言九章十節）」，強調基督精神，發展全人教育，藉宣講福音，培育學生活出豐盛生命。
黃宜嘅班級教學模式亦比較特別，一至三年級以混合能力分班；四、五年級以英文能力分班，照顧學生差異；六年級有兩班以普教中班別，另於五、六年級各設有一班電子書包班。
黃宜實行資優教育普及化，課程設計獨特，以三層架構模式推行資優教育課程。第一層次係正規課堂為所有學生而設嘅課程；第二層次以抽離方式係正規課堂以外推行小組學習；第三層次則係參與教育局聯同各大專院校的尖子資優課程培訓。
對於有特殊教育需要及成績稍遜學生亦設有支援，包括學習支援、校本教育心理服務、言語治療、功課及評估調適、社交溝通小組、個別學習計劃及識別小一學習困難學生輔導計劃等。

升學前景

升學前景
圖片來源

升中方面，雖然黃宜冇聯繫中學，但派位成續卓越，大部分獲派band 1名校，亦有唔少係傳統名校，例如庇理羅士女子中學、英華女學校等，其他亦獲區內名校取錄，包括何明華會督銀禧中學同埋基督教中國佈道會聖道迦南書院。
根據2019年嘅數據，黃宜小六生獲派首志願中學嘅學生比率為58%，獲派首三志願嘅學生比率為80%，表現唔錯。

總結

黃宜致力為學生提供多元化的課外活動，積極推行資優教育，關鍵發展閱讀學習，全校參與照顧學生個別差異，以提升學生的學習效能，有興趣嘅家長可以深入咁了解下！

【延伸閱讀】2020香港BAND1中學最新排名TOP100
【延伸閱讀】【小學名校】一條龍+傳統名校——天神嘉諾撒學校
【延伸閱讀】【小學名校】進取的學校——天主教石鐘山紀念小學

**現在從Blog 下方按鈕轉載到 Tutor Circle 尋補網站，並輸入優惠碼 ”TCBLOG2020“ 即可有$20學費減免，事不宜遲，馬上去搜索適合導師上課吧**

此文章純屬 Blogger 個人分享，並不代表本網誌立場。