【小學名校】66校網青衣特大型小學聖公會青衣主恩小學

Post author:Estherccy
Post category:學校簡介
Post published:2020-07-08
Post last modified:2020-07-08

講起青衣入面嘅一線小學，唔少人都會諗起校園面積出名大嘅聖公會青衣主恩小學，主恩小學作為六六校網入面數一數二嘅名牌津校，係唔少區內家長嘅首選，啱啱新鮮出爐嘅升中排位成績亦都非常出色，今日就等Tutor Circle尋補介紹下呢間「特大型」小學啦！

學校介紹

圖片來源

主恩小學喺2002年由聖公宗（香港）小學監理委員會有限公司創辦，屬於基督教背景，至今只有18年歷史，屬於非常之年輕嘅學校。

學校以中文作為教育語言，總共開咗30班，每一級大概有五班，另外教學人員總數61人，班師比例約2.03，喺香港來講屬於唔錯嘅比例。

學校生活方面，返學時間比起其他一般小學長少少，每朝嘅八點返到去下晝嘅三點先放學，週五放學後同埋週六都設課餘興趣班。

教學模式

圖片來源

主恩小學着重培育學生嘅創意、解難、探究及自學能力，並大力推動電子學習，提升學與教效能。

校方採用探究式學習、合作學習及閱讀帶動寫作學習，強調九種共通能力的建立。分班方面，校方會依照學生學業成績、操行同埋家長意願，二至六年級每級設兩班精英班（大班）及三班普通班（小班），其中一班以普教中，以加強照顧學生的個別差異。

學校不設測驗，一年考試三次，除總結性評估外，另外設有多元化進展性評估。每年亦會推薦學生參加國際聯校學科評估、世界數學測試、SPC少兒普通話水平測試、倫敦英語考試及初中托福考試。

學校特色

圖片來源

主恩小學佔地面積大約7300平方米，設有30個課室，一個禮堂，四個操場，定有23間特別室，包括校園電視台、環保綠化花園等等，屬於特大型嘅校園，加上校舍較新，環境十分唔錯。

另外，作為一間較新嘅小學，主恩小學十分注重環保建設，校內老師會組成環保校園組，同學亦都會擔任環保小先鋒，推行唔同嘅環保行動，例如鼓勵節約用水嘅「齊節約、推環保」計劃，積極推動綠化校園計劃，更加榮獲「第十七屆香港綠色學校獎」（小學組），可見學校係推廣低碳生活方面下咗唔少苦心。