【小學名校】沙田地區名校聖公會馬鞍山主風小學

Post author:Estherccy
Post category:學校簡介
Post published:2020-07-08
Post last modified:2020-07-08

相信唔少係沙田區入面嘅家長，都會聽過聖公會馬鞍山主風小學。主風小學屬於一間比較新嘅基督教男女校，但係成績卓越，校風優良，今日就等Tutor Circle尋補介紹下呢間一線小學啦！

學校介紹

圖片來源
主風小學喺2000年由香港聖公會創辦，學校信奉基督教，以中文為教學語言，係一間男女校。

學校總共開始左30班，每一級有五班，現時教學人員總數為55人，班師比例約1.83，比例算低，不過班師比例同學校質素冇直接關係，學校規模只不過係比家長作參考。

學校上課時間一般，由朝頭早7:55上到2:50，五線有指定供應商提供，但係家長亦都可以安排學生自行帶飯；學校亦都相當注重健康同埋均衡飲食，每年切一周圍水果週，鼓勵學生進食生果。

教學模式

圖片來源
學校不設測驗，一年考試四次，相對來講學生學業壓力可能比較大，評估模式方面學校採用多方參與方式評估教學質素及學習成效，並會透過專題研習、讀書報告、戶外學習、考試等審視學習進展。

編班方面，學校採用混合編班制，並不設精英班。

至於學習同埋教學策略，主風小學時間表設綜合課、圖書課、活動課、週會、早會等，學生可於綜合課進行各項拔尖訓練及俾教師照顧有學習困難的同學。拔尖訓練包括喺課程入面加入高階思維元素，啟發學生思考，另外亦會設立人才庫為尖子學生提供訓練。

學校特色

圖片來源
主風小學佔地面積大概10700平方米，設有30個課室，3個操場，並設有唔同特別室，包括輔導教學室、小聖堂、學生活動中心等等。喺香港，過晚平方米嘅小學非常罕見，屬於超大型校園，學生有足夠嘅活動空間，加上校舍較新，環境優美。

另外，香港地小人多，一般小學都冇辦法實施小班教學。但係主風小學屬於比較少有嘅學校，會於小一至小三實施小班教學，利用小班教學的優勢，透過靈活的教學策略，設計一系列能引發學習動機、有針對性，並促進學生參與及師生互動的課堂活動，以提升學生的學習成效。同時因每班學生人數減少，教師在課堂上更易照顧學生的個別差異，提供適合的教學方法，並建立良好的師生關係。

升學前景

升學前景
圖片來源
主風小學雖然屬於比較年輕嘅學校，但係升中排位成績相當理想，以2019年嘅分配結果為例，大多學生都獲派英文中學，當中不乏傳統名校例如拔萃男書院、聖賢中學等等。

總結

總括而言，主風小學秉承「非以役人、乃役於人」的精神，培養學生德、智、體、群、美、靈六育及正確人生觀，係沙田區家長嘅一個唔錯選擇。

【延伸閱讀】2020香港BAND1中學最新排名TOP100
【延伸閱讀】【小學名校】一條龍+傳統名校——天神嘉諾撒學校
【延伸閱讀】【小學名校】進取的學校——天主教石鐘山紀念小學

**現在從Blog 下方按鈕轉載到 Tutor Circle 尋補網站，並輸入優惠碼 ”TCBLOG2020“ 即可有$20學費減免，事不宜遲，馬上去搜索適合導師上課吧**

此文章純屬 Blogger 個人分享，並不代表本網誌立場。