【小學名校】84校網名校保良局香港道教聯合會圓玄小學

Post author:Estherccy
Post category:學校簡介
Post published:2020-07-09
Post last modified:2020-07-09

唔少家長為咗從小培育小朋友國際視野，特別注重兩文三語嘅教學，亦都希望小朋友可以及早接觸英文，但係英文小學十分罕見，多數都係國際學校，好少傳統小學以英文為主要教學語言。今日就等Tutor Circle尋補介紹下屯門唯一一間直資，並以英文教學為主嘅學校 – 保良局香港道教聯合會圓玄小學。

學校介紹

圖片來源

圓玄小學喺2005年創立，辦學團體係保良局及香港道教聯合會。小學開設24班，每級有四班，教學人員總數68人，班師比例大約2.83 ，係全港數一數二嘅高比率。

學校佔地3500平方米，設有24個課室，1個禮堂同埋1個操場，設有其他特別室，包括STEM教室、音樂室等等，由於係保良局旗下嘅學校，亦都可以享用唔同其他保良局嘅設施，例如梁安琪泳池綜合大樓除左提供五條泳線的全天侯暖水池之外，大樓亦有不同的活動空間俾學生活動。

學校不設測驗，每年考試三次，會採取唔同嘅方式去評核學生嘅能力，例如專題研習、話劇表演等等，分班會按學業成績平均分配係四班入面，不設精英班。

教學模式

圖片來源
圓玄小學以英文為教學語言，香港其實只有9%嘅小學係英小，可以話十分罕見。

雖然係傳統小學，但係有國際學校嘅教學氣氛，全校24班每一班都有一位本地同埋外籍英文老師，課程設計相當彈性，以小班小組嘅模式上堂，以閱讀同埋英文拼音為主。

喺濃厚嘅英文環境下，學生嘅英文能力極速提升，圓玄小學小五至小六嘅學生已經可以補考TOFEL初級考試，請到達中二、中三水平，相當優秀。

學費

圖片來源

圓玄小學係直資小學，所以雖然位於屯門區，但係收生不受地區或校網限制。

小學每年學費$12,600，分10期繳交，但設有學費全免或者可以減免一半學費。有需要嘅學生(包括來自綜援家庭嘅學生同埋領取學生資助辦事處財政資助嘅學生)可提出申請學費減免。當然，學費減免計劃有家庭入息限額。

升學前景

升學前景
圖片來源

圓玄小學以英文為教學語言，成為唔少家長鋪路入英文中學嘅熱門選擇，以2019年升中排位結果為例，有超過九成學生獲派英文中學，亦有唔少獲傳統名校取錄，包括九龍華仁書院、聖保羅男女中學等，其餘亦獲派區內名校例如屯門官立中學、妙法寺劉金龍中學等等。

總結

雖然係直資小學，但係每年學費只係萬零蚊，就可以有可以同國際學校媲美嘅教學水平，可以話物超所值，有心栽培學生英文能力嘅家長不妨考慮一下！

【延伸閱讀】2020香港BAND1中學最新排名TOP100
【延伸閱讀】【小學名校】一條龍+傳統名校——天神嘉諾撒學校
【延伸閱讀】【小學名校】進取的學校——天主教石鐘山紀念小學

**現在從Blog 下方按鈕轉載到 Tutor Circle 尋補網站，並輸入優惠碼 ”TCBLOG2020“ 即可有$20學費減免，事不宜遲，馬上去搜索適合導師上課吧**

此文章純屬 Blogger 個人分享，並不代表本網誌立場。