【E-APP 2021 攻略】DSE考生注意！做定兩手準備！

Post author:Estherccy
Post category:JUPAS/ Non-JU攻略
Post published:2020-07-09
Post last modified:2020-07-09

相信考完DSE後，大部分考生都應該心裡有數自己會考成點，有信心當然好，但係公開試呢樣野一向都會有變數，所以做定兩手準備就最好。除左報JUPAS之外，其實仲有E-APP可以報，可以申請定有興趣嘅專上課程，做好兩手準備，就唔驚DSE失手無書讀啦，Tutor Circle尋補話定你知有咩要注意啦！
延伸閱讀：【E-APP報名】2021申請報讀專上課程攻略！中六學生必睇！

咩係E-App?

E-APP同Jupas分別係兩個獨立系統。E-APP係俾應屆DSE考生預先報讀Jupas以外嘅全日制及經本地評審嘅專上課程（2019/20 學年），參與嘅院校大約有30多間。另外E-APP都會定期更新申請資料同報名日期，係網上報完名，就可以係呢個網到睇到自己會否獲得面試及有條件取錄嘅結果，俾學生同所屬中學嘅老師方便查詢。
圖片來源

延伸閱讀：【Asso副學士】Asso＝大學入場券？競爭風氣濃厚？

E-APP申請流程

學生只要係E-APP個網到填好一份網上申請表，就可以即時申請心儀嘅專上課程，同時申請人都需要上載校內成績同學習概覽，以方便大專院校係預先處理申請時，可以優先提供面試。面試完之後合資格同面試表現良好嘅申請人仲可以早啲獲得有條件取錄資格，有多一手準備。DSE成績公布當日，E-APP就會將申請人嘅成績直接轉交至報讀嘅大專院校，方便申請人可以盡快得到取錄嘅消息，咁就唔洗放左榜之後周圍撲學校啦。
圖片來源

延伸閱讀：【E-App】點樣交錢？報完E-App仲洗唔洗報Jupas？

收生要求

收生要求方面，每個課程嘅申請要求都唔一樣，一啲較為熱門嘅科目會由於競爭者較多就需要較高嘅成績先會有機會被錄取，但係有一樣野可以肯定嘅係大多數嘅課程收生成績都會比大學聯招低，所以E-app適合分數屬中遊考生或分數未達中位數嘅學生報讀。副學士學位嘅申請人需要取得最少五科第二級嘅成績，包括中、英文科。申請人可以係報讀之前先了解唔同學年、唔同院校嘅收生成績。

認受性&出路銜接

相信各位都十分關心專上學院嘅認受性，課程可以通過香港學術及職業資歷評審局嘅審批，政府便會承認該學歷。另外各位仲可以上「經評審專上課程資料網」(iPASS)查閱課程嘅認受性等詳細資料。各位都可以到唔同院校嘅網站及開放日了解畢業生的就業或是升讀大學嘅比率。
延伸閱讀：【Asso升U】Asso/HD升U全攻略：過來人分享準備方法及錄取機會

總結

除左考DSE要努力溫習外，亦十分建議同學開始為自己嘅將來做好準備，set好唔同嘅計劃，就好似除左報JUPAS外仲要做多兩手準備，報E-APP等，從而避免結果同預期有變化時會打亂計劃。
延伸閱讀：【HKCC Asso】剖析 ASSO 三大—— HKCC科目、升學率一覽
延伸閱讀：【CCCU Asso】副學士優勢、選科、升學貼士一覽

*此文章純屬 Blogger 個人分享，並不代表本網誌立場。