【小學名校】48校網一線小學– 中華基督教會基法小學

Post author:Estherccy
Post category:學校簡介
Post published:2020-07-14
Post last modified:2020-07-14

中華基督教會基法小學以校風優良見稱，學生成績優異，課外活動表現出色，唔講唔知，原來一個打十個嘅甄子丹都係基法小學嘅救生！今日就等Tutor Circle尋補介紹下呢間觀塘嘅一線小學啦！

學校介紹

圖片來源

基法小學創校已久，於1965年由中華基督教會香港區會成立，校訓係「仁義禮智信望愛」。
學校僅開設12班，每級只有2班，教學人員總數亦都只有27人，但班師比例為2.25 ，屬於非常之高嘅數字，確保每一班都有足夠嘅資源。
基法小學佔地大約2785平方米，設有12個課室，一個禮堂同埋兩個操場，亦有唔同特別室例如遠程教室、校園電視台等等，屬於一個頗小型嘅校園。

教學模式

圖片來源

基法小學推行小班教學，小一至小三推行普教中及活動教學，全校推行資優三層架構課程，並以電子學習配合自主學習模式。
學校全年測驗兩次，考試兩次，並進行多元評估活動，除筆試外，會採用多元化進展性評估方法，例如常識科加入生活技能評估，數學科加入實作評量。
分班方面，學校採用平均分班，不設精英班。

學校特色

基法小學校風優良，學校貫徹「基法三風」：「學風」、「教風」及「校風」。」「學風」同「校風」指學生黎到學校除左學習知識之外，品德情操嘅培養亦不可缺少，「教風」則指老師嘅專業發展。
學校積極推動閱讀，每天設早讀時段，更有大型閱讀分享會。另外，會透過「一人一職」計劃推動服務、自律，等同學都有自己嘅職務，培養服務他人嘅精神。
另外，基法小學係內地有姊妹校，經常舉辦交流活動，等同學可以擴闊視野。

升學前景

升學前景
圖片來源
基法小學並無直屬或聯繫中學，但派位成績非常理想。以最新2020年結果為例，獲派首三志願嘅學生比率高達98%，當中大部份獲派英中，亦不乏傳統名校，例如藍田聖保祿中學以及觀塘瑪利諾書院。

總結

基法小學歷屆畢業學生成績優異，人才輩出，深得家長愛戴，係觀塘區中極受歡迎嘅學校。重視學生全方位學習經歷嘅家長可以多加考慮！

【延伸閱讀】【2021 DSE 重要日期】破天荒延後2個星期好好利用作最後衝刺！
【延伸閱讀】課外活動要點揀？報興趣班前你要考慮嘅三件事
【延伸閱讀】孩子參與興趣班的好處，百足咁多爪，還是周身刀無張利？

**現在從Blog 下方按鈕轉載到 Tutor Circle 尋補網站，並輸入優惠碼 ”TCBLOG2020“ 即可有$20學費減免，事不宜遲，馬上去搜索適合導師上課吧**

此文章純屬 Blogger 個人分享，並不代表本網誌立場。