【最平移民國家】低門檻移民 – 最平只要十幾萬？

Post author:Estherccy
Post category:小編分享
Post published:2020-07-14
Post last modified:2020-07-14

講起移民，相信大家都會即刻諗起「移民監」、「投資移民」、「退休」等等嘅字眼，係唔少人眼中，移民都係有錢人嘅玩意，無返咁上下嘅經濟能力，亦都唔會有國家願意接收你。的確，唔少發達國家為咗確保移民唔會成為國家嘅財政負擔，喺移民篩選過程中，都一定要先肯定申請人移民後唔需要領取社會福利，有一定工作能力。但係，其實仲有唔少國家唔需要申請人有大量資產，甚至有啲連移民監都唔使坐，就可以輕鬆入藉，今日就等 Tutor Circle 尋補為大家介紹吓最平嘅移民國家啦！

第四名：希臘（HKD218萬）

希臘

圖片來源
希臘擁有豐富的文化遺產，加上誘人嘅愛琴海同埋地中海島嶼，係移民一個唔錯嘅選擇。
要投資移民希臘，你需要一筆過用25萬歐元，即係大概218萬港幣，購買當地物業，就可以獲得居留權簽證。
申請人要每五年續簽，但係比較麻煩嘅係，一旦將物業出售就會失去居留權。不過只要係當地住滿七年，就可以申請入藉。

第三名：台灣（HKD150萬）

台灣

圖片來源
台灣同香港嘅文化差異較細，加上台灣人出名人美心善，甚至有話「台灣最美嘅風景就係人」，唔少人都非常嚮往當地嘅風土人情，希望可以移民入藉。
相比唔少歐洲國家，要投資移民台灣成本較低，一般來講只需要喺台灣投資600萬新台幣，即係大概150萬港幣，就可以獲得居留證，然後只要係喺台灣連續住滿一年，就合資格申請台灣國籍。

第二名：新加坡（HKD28萬）

星加坡

圖片來源
新加坡生活品質高，治安良好，環境優美，加上經濟同埋教育制度發展完善，係唔少人移民嘅首選。
但係新加坡同時都出名生活指數高，物價偏貴，大家一定好疑惑，移民新加坡點會平。
其實，除咗投資移民之外，新加坡亦開放創業移民，只需要5萬坡元，大概28萬港紙，註冊一間新加坡公司，並以企業家、創新者或者投資者其中一個身份申請，居住24個月之後就可以申請永久簽證。
不過當然啦，創業移民嘅審查比較嚴謹，獲批嘅機會率亦都比較低，大家要先謹慎檢視申請嘅成本效益。

第一名：厄瓜多爾（HKD20萬）

厄瓜多爾

圖片來源
厄瓜多爾被譽為退休天堂，曾經被評為最佳退休移居地址之一，加上生活成本低，麥嘉便宜，退休福利亦都非常之完善，受到唔少人歡迎。
厄瓜多爾可以話係最平嘅移民國家，投資移民的話只需要喺當地銀行存入最少2.5萬美金，即係20萬港元即可申請，用相同金額投資房地產亦都可以。想一家大細一齊移民，仲可以全家五代一齊申請，每人只需要交多$500美金，即係大概3900港幣。
不過，咁樣只不過係攞到厄瓜多爾嘅永久車樓權，要入藉仲要坐移民監：申請人必須要住滿三年，期間每年唔可以離開超過90日。

總結

總括而言，部份國家嘅移民門檻冇大家想像中咁高，但係考慮移民除咗考慮成本同埋費用之外，能否適應當地風土民情亦都係一個好重要嘅因素。有心移民嘅人士，一定要做足功課，準備萬全，先好開始申請啊！

【延伸閱讀】【2021 DSE 重要日期】破天荒延後2個星期好好利用作最後衝刺！
【延伸閱讀】課外活動要點揀？報興趣班前你要考慮嘅三件事
【延伸閱讀】孩子參與興趣班的好處，百足咁多爪，還是周身刀無張利？

**現在從Blog 下方按鈕轉載到 Tutor Circle 尋補網站，並輸入優惠碼 ”TCBLOG2020“ 即可有$20學費減免，事不宜遲，馬上去搜索適合導師上課吧**

此文章純屬 Blogger 個人分享，並不代表本網誌立場。