【提升效率】如何成為時間管理達人？提高效率的三大方法！

Post author:Estherccy
Post category:小編分享
Post published:2020-07-27
Post last modified:2023-07-06

現代人生活忙碌，總會有覺得時間唔夠用嘅時候，難以兼顧家庭、朋友同埋事業。要成為時間管理嘅達人，就一定要提升自身嘅效率。到底係點先至可以係最短嘅時間內，完成最多嘅工作呢？今日Tutor Circle尋補就準備左提升效率的三大要訣！

1. 效率v.s.效能

提升效率
圖片來源

效率 (efficiency) 同效能 (effectiveness) 係經常被混淆嘅概念。

效能 (effectiveness)係指揀岩一個目標，全力向個個目標進發，重視目標的達成，以成果為衡量準則，即係所謂嘅Doing the right things，做對的事情。

效率 (efficiency)係指資源嘅有效利用，着重以最少嘅投入(input)，得到最大嘅產出(output)，即係doing the things right，用對的方法把事情做好。

效率同效能並唔係相反嘅概念，但同事，有效率並唔代表有效能，反之亦然。今日嘅重點係分析效率，即係只運用資源嘅程度同埋能力，將人力、物力唔、財力同埋時間做最妥善嘅分配。

2. 提高效率嘅方法

提升效率
圖片來源

可能有唔少人都試過，覺得自己今日花咗好多時間去做某啲事情，但係成效就同投入嘅時間不成正比。咁樣係源於因為一個人嘅效率不足，其實想要提高效率，唔需要大幅嘅改變，一啲細微嘅生活習慣都會有所影響。

限制會帶黎效率

人天生嘅本性就係唔鍾意被規定或者限制，但同時間限制會為一個人帶嚟效率。

當時間或者資源冇限制嘅時候，人解決問題嘅時候就唔會有創意，甚至好自然而然咁樣浪費。舉一個簡單嘅例子，公司開例會嘅時候如果冇時間限制，與會者通常都會十分散漫，討論毫無目標。但係如果一場會議必須要係30分鐘內完成，所有與會嘅人都會完全集朝喺議程入面，想盡快迅速咁樣解決問題。兩者嘅最終結果可能係一樣，但係所花費嘅投入(input)則大有分別

站立工作

相信有唔少人都試過，午飯後返到辦公室工作，飯氣攻心，唔好話做嘢，眼都擘唔大。

近年流行嘅站立式辦公桌就係最佳嘅解決方法。有美國大學嘅研究人員俾佢左兩組客戶中心員工六個月內嘅產出差異，發現使用可升降辦公桌嘅員工嘅工作效率比採用傳統坐式辦公桌的員工高出46%。

佢哋同事發現，係使用可升降辦公桌六個月後，有近75%嘅員工表示身體不適咁嘅症狀有所減輕，長遠而言對於提供員工嘅效率有莫大裨益。

即使辦公室囉咁樣嘅設備配合，大家喺了無戰意，睡眼惺忪嘅時候都不妨企身行吓，促進血液流通，回頭再戰。

睇可愛貓咪嘅圖片

喺辦公室，如果俾上司發現你用公司嘅電腦去睇一啲網上可愛貓咪嘅圖片，可能會被鬧到狗血淋頭。但係其實睇可愛嘅動物照片有效提高工作效率，甚至係有科學根據。日本有大學研究人員研究表示，觀看甜美可愛嘅照片能夠提供人嘅專注力同埋靈活性，提升工作嘅速度同埋準確性。

當然啦，呢個方法使用上有一定嘅風險，如果比咁啱經過嘅老細見到，可能就要作出一番解釋。