【DSE溫唔切】中六考生一波三折！Syllabus都學唔切點算好？

Post author:Estherccy
Post category:DSE攻略
Post published:2020-07-27
Post last modified:2022-04-20

DSE溫唔切點算好？文憑試即將來臨，2022年嘅考生，中五大部份時間都停課，最應該衝刺嘅中六暑假都因為疫情緣故，無法補課。大部份應該syllabus都未教晒，短期內校內試及Mock都應該考唔到。係咁孤立無援嘅情況下，2022 DSE考生到底可以點算？今日 Tutor Circle尋補就為考生整合左幾個小tips，希望有助考生備戰DSE！

【Tutor Circle 尋補用戶租倉折扣】租6個月多送3個月迷你倉服務優惠* 隨著小朋友不斷長大，無論是溫習書本或課堂用品想必有增無減。24 STORAGE特此為Tutor Circle 尋補的用戶送上租6個月多送3個月*迷你倉優惠！除了五星級的存倉服務，24 STORAGE 的共享智能工作艙更為學生提供寧靜與獨立的溫習空間，全方位支援莘莘學子！優惠資訊： 1. 優惠日期由2024年10月18日開始，至2024年12月31日完結。 2. 優惠只供 24 STORAGE全新客戶及 Tutor Circle 尋補現有客戶使用。 3. 優惠需填寫 Tutor Circle 尋補專用優惠碼「TutorCircle24」作核對，並確保一切資料正確無誤。 4. 需租滿6個月或以上及預繳按金。 5. 24 STORAGE 全線分店適用。領取優惠方式：租倉時請向24 STORAGE出示Tutor Circle 尋補Promotion Code作核對。 *優惠受條款及細則約束 *如有任何爭議，24 STORAGE及Tutor Circle 尋補保留一切最終決定權。

1. 調整心態

由年頭至今，2022 DSE考生斷斷續續停課停左大半年，講緊係7個幾月冇返過學，日日留係屋企，心態難免會變得懶散，加上係屋企動力大減，相信同學呢大半年都係渾渾噩噩咁過。

現實啲咁展望將來，香港疫情反覆，相信短期內都未必可以恢復返學補習嘅正常日子，同學應該要有心理準備，係考2022 DSE之前都係在家學習嘅情況，從而調整自己嘅心態，準備長期作戰。

停課不停學，講就易，做起來其實相當有困難，同學首要目的，應該係要重新進入狀態，幾個實際嘅建議包括即使停課，都照校返鬧鐘，朝頭早七點起身，刷牙洗面食早餐，令自己嘅生理時鐘回復正常。

另外，就算學校採用Zoom等網上教學軟件，都建議同學換走睡衣，着返一套出街衫，令自己比較精神。溫習或者上堂等時間可以參照以往返學嘅schedule，照返朝八晚四期間做嘢，然後適當嘅休息，盡量令到停課嘅影響減至最低。

2. 追返進度

除咗考生，其實疫情亦都令到校方無所適從，教學時間表大失預算，暑假補課嘅計劃亦都泡湯，考生連syllabus都未學晒。

以小編親身經驗而言，即使校方採用網上教學，其實成效都大打折扣，學生反應冷淡，老師又可能會遇上技術上嘅困難。因此，如果學生經濟環境許可，小編其實大力推薦2022 DSE考生搵返一個補習老師，一對一咁樣想返幾堂，呢個未必係一個長期嘅解決方法，但係至少短期內，考生可以溫返中五應該要學嘅內容，由頭清概念，一對一嘅情況令到學生較容易集中精神，效率更佳。

想搵個私補老師追返進度！

3. 善用停課時間

停課固然極為沉悶，足不出戶嘅生活令人難以忍受，但係同學要保持樂觀嘅心態，將停課嘅日子諗成一個比較長嘅study leave，要好好咁樣把握呢一段空閒嘅時間。

即使學校老師教唔切，呢一段時間其實都可以攞嚟溫返以前中四學過嘅知識，睇吓以前嘅嘢仲有冇唔明，仲記得幾多，亦都可以喺網上面搵一啲分topic嘅past paper，鞏固已有嘅知識，整合自己唔識嘅野，再請教學校老師，不失為一個溫習嘅好方法。

總結

2022 DSE注定又係一場腥風血雨，但係機會只會留比有準備嘅人，同學一定要好好咁樣把握呢段時間，將劣勢轉化為自己嘅優勝之處，咁先至有機會攞到夢寐以求嘅大學入場券！

延伸閱讀：
【DSE2022 CUT OFF】全科歷年DSE CUT OFF分數一覽！CUT OFF點解咁重要？
【DSE準備】應試貼士、DSE Checklist 助考生考試前夕最後衝刺！

*此文章由 Blogger個人／編輯團隊分享並僅供參考，意見及內容並不代表本網誌立場，Tutor Circle 尋補對信息或內容所招至的損失或損害，不會承擔任何責任。