【迦密立恩中學】主打語文嘅學校？

Post author:傻人一名
Post category:學校簡介
Post published:2020-09-11
Post last modified:2020-09-11

就嚟11月，又係小六生揀中學同面試嘅時候，相信大家都會為咗揀學校呢個問題而覺得好煩。迦密主恩中學（英語：Carmel Divine Grace Foundation Secondary School）係一間區內嘅名校，咁佢有咩特別之處呢？今次Tutor circle尋補既筆者會系度同大家分享，希望可以幫到迷惘緊你。

學校資訊簡介

辦學宗旨

迦密主恩中學係1987年由基督教興學會有限公司創立，以「明道律己，忠主善群」為校訓。位於香港新界將軍澳寶林邨，是將軍澳新市鎮區內首個中學校舍。學校用英文去教授課程，而學校會按住聖經真理去提供全人教育，令到學生係德、智、體、群丶美同埋靈命上，都可以有優質嘅栽培，以致個人潛質可以發揮到出嚟，將來成為具優良品格嘅公民，服務社會，榮神益人。

教育特色

迦密主恩中學本身好注重學生嘅語文能力，學校希望俾中一同學可以盡快適應用英文嚟學習，提供「跨學科英語課程」俾學生去上。為咗可以照顧唔同學生嘅差異，跟唔到嘅中一、中二同學都可以試吓參加學校嘅英語輔導班，去鞏固返基本嘅英文知識，而中一至中三成績較好嘅同學，亦都可以參加英文拔尖課程，配合返資優學生嘅需要。學校亦都有聘請一位外籍英語教師，為學生進行英文說話嘅訓練。另外，學校會舉辦啲課餘活動同埋遊學團去強化同學嘅英文聽力、溝通技巧，等佢地親身體驗英文世界嘅生活。
除咗英文之外，學校亦都會透過課外活動，增進學生其他語言嘅水平，例如日文興趣班，俾有興趣嘅同學參加。
初中嘅同學亦都會有中英文閱讀課，去增強同學嘅閱讀能力，透過睇書，發展學生自主學習語文嘅能力，從而提升佢哋嘅語文水平。

師資

全校有54位老師，全部老師都攞咗教育文憑同埋學士學位,有41%嘅老師更加係有碩士、學士或者以上嘅學位，亦都有87%嘅老師教咗10年或者以上。可見，老師嘅教學經驗十分豐富，而且有20%嘅老師係受過特殊教育嘅培訓，希望令到有特殊需要既學生得到適當嘅照顧。

**現在從以下banner按鈕轉載到 Tutor Circle 尋補網站，並輸入優惠碼 ”TCBLOG2020“ 即可享$20學費減免，事不宜遲，馬上去搜索適合導師上課吧**

學校設施

學校有禮堂、圖書館、自修室、英文中心、學校活動中心、兩間電腦室、實驗室、Stem實驗室、音樂室、視覺藝術室丶家政室、地理室、設計與科技室、電腦輔助設計室、多媒體學習中心、健身室、校園電視製作室同埋攀石牆。
全部課室都有冷氣。另外為咗可以支援有特殊需要學習嘅學生，學校亦都會有暢通易達升降機同埋暢通易達洗手間。