【Netflix 優惠】 Netflix優惠！日日系屋企煲戲，點樣可以平啲用Netflix?

資料引用/摘錄：MoneySmart，hk.ulifestyle，FlyAsia，MoneyHero和經濟一週 EDigest
而家成日系屋企，大家係咪覺得好悶呢？想煲劇或者電影，但係又要俾錢，係咪覺得好唔扺，個心好肉痛？老實講，付費就無得避免，呢個世界真係有免費午餐咩，但總可以揾下唔同Netflix優惠架嘛！系咁多個串流煲劇平台裹面，Netflix 已經算系性價比超高，唔少影迷同電視迷都鍾意用呢個軟件煲戲，皆因Netflix聚集咗好多唔同既電影，甚至平時好冷門既電影，你都可以系Netflix搵到，所以今日Tutor Circle尋補小編會同大家分享Netflix優惠，雖然都系要俾錢，但係起碼可以平啲，享受吓煲劇既樂趣。

1. 同friend一齊夾

圖片來源

首先，如果你選擇高級計劃，Netflix 帳戶系可以同一時間分享俾4個人。大家只系需要俾＄23.3，就可以睇到唔同既劇集，令每月所需要俾既費用可以平少少。小編亦都知道有唔少Netflix迷將自己既帳户，分享俾4個人或以上，因為Netflix只係說明咗「可同時於4個螢幕使用」既條款，不過可能都牽涉到法律，大家用唔用呢個方法，就自己衡量吓啦！另外，小編都收到消息Netflix可能系將來或者而家已經收緊咗果規則，淨係可以系同一個IP地址或者同一座大廈，先可以系Netflix用度「共同分享」既功能。言歸正傳，相比於自己一個人用一個帳號，同多3個朋友夾真係會抵好多，咁樣就可以用更平既價錢，唔需要使咁多錢，但係有同樣既享受。雖然呢個唔算係一個Netflix優惠，但大家身邊有朋友需要，不妨問吓佢哋，同朋友仔夾黎一齊用。又平啲又可以一齊煲劇，減吓壓力。

［延伸閲讀］【家庭活動】抗疫時期可以有咩搞？家庭親子活動提議！
［延伸閲讀］【義工活動】疫情肆虐向你介紹五大網上義工活動
［延伸閲讀］【電子學習】學在瘟疫蔓延時——足不出戶的學習

2. 用Promo code

另外，小編系HK-coupons同FlyAsia既網站搵到一啲Netflix優惠既promo code，大家可以複製落嚟，然後可以用一個平啲既價錢，去買一個Netflix既帳戶。小編見到FlyAsia既網站一個promo code，應該對想買Netflix 既用户幾有用。如果大家用MCO VISA加埋攞到Promo code，可以免費訂閲Netflix，帳户仲可以分享俾一位家人或朋友一齊使用，大家快啲去FlyAsia既網站睇下啦。當然，大家都可以去其他網站攞promo code，咁樣計翻埋雖然唔會平好多，但超碼會平咗少少，正所謂「少數怕長計」，慳埋慳埋，可以將啲錢放喺其他方面，買其他有需要既野。

3. 用信用卡買

圖片來源

除此之外，而家系網上訂購Netflix 月費服務，用埋信用卡，可以賺返回贈或者飛行里數，就好似用EarnMore銀聯卡，可以有2%回贈，或者系星期五買UA戲示可以買一送一，詳情請到MoneyHero網站瀏覽。雖然唔係直接系系統既Netflix優惠，但係某程度上，佢可以幫你系買其他野或者搭飛機既時候慳返少少，所以買Netflix既時候，用返信用卡，咁就最完美啦！

［延伸閲讀］【大學生信用卡】申請信用卡嘅3個原因同3個伏位
［延伸閲讀 [返學系列］-返學上Online Class又要買iPad？iPad優惠

4. 免費30天試用或升級

圖片來源

最後，小編呢排都有聽過Netflix再推出30日免費使用，不過小編都唔肯定呢個消息系唔系真，有新用戶反映呢個優惠都需要靠運氣，因為30日免費使用既按鈕系隨機露出，但係小編頭先都試過登記做Netflix既新用戶，雖然小編冇30日免費使用，可是Netflix既頁面顯示出小編可以系第一個免費升級，呢個Netflix優惠都系好似抽獎咁，可能要大家試多幾次先有上述既優惠，不過試吓又唔使即時俾錢。如果大家有時間，不妨可以試多幾次進入Netflix既新用戶登記頁面，話唔定你就系果個幸運兒呢！

總結

總括而言，聽完小編講，大家有冇心郁郁想買Netflix 呢？Netflix有陣時都會出一啲活動，吸引觀眾，好似之前有30日免費試用服務。不過，而家應該仲有。雖然有啲戲可以系不合法既網站睇，可以唔使錢，免費觀看，但係其實無論系戲集，定系電影，都需要經過團體嘅努力，先可以整到出嚟，可能唔使俾好貴嘅價錢，就已經可以支持下佢哋，所以大家不妨去買Netflix或者係相關嘅合法平台，觀看自己鐘意嘅電影，當支持下辛苦既演員同幕後啦！

此文章純屬blogger個人分享，並不代表本網誌立場。

*本文參考了MoneySmart，hk.ulifestyle，FlyAsia，MoneyHero和經濟一週 EDigest