【住hall】一文看清物理與心理上嘅住hall準備！

Post author:媽劇停
Post category:學校簡介
Post published:2018-09-05
Post last modified:2023-06-21

由於大學宿位嘅競爭好激烈，好多人都住唔到4年hall，甚至有人會用上莊、買宿位等各種途徑黎幫自己r宿位。如果今年有機會體驗hall life，最好做足以下準備啦。Tutor Circle尋補今日同大家講下住hall既注意事項，希望大家都可以有一個平平安安既宿舍生活，識返個好roommate同你渡過4年。

1.自己執份checklist

住hall黎講唔同人有唔同需要，好似想煮野食就要買碗碟洗潔精；想有嘢玩就自己帶定遊戲機、board game等；想返hall嘅時候香啲就買香薰。但有啲野例如洗衣粉、沐浴露就係必需嘅。最好就分清楚咩可以由屋企帶番黎，有咩到埗之後先買都得。
住hall 1

2.任何嘢都擺反房

住hall常見嘅罪行就係順手牽羊，common area嘅雪櫃就絕對係受難地點。如果有人行過咁「唔小心」拎錯你啲野，其實唔報警就好難捉到嘅。所以係hall要顧好財物安全。
住hall 2

3.要比平時更有禮貌

住hall，自然可以擴闊到社交圈子。但對住啲初相識嘅朋友，千祈唔好因為環境太輕鬆而唔記得門面功夫，多一分禮貌，少一分摩擦。係hall嘅花生可以一傳十，十傳百。一次失言可以令你個底花哂。
住hall 3

4.唔好收埋自己

住hall係獨立生活，想識人就自然唔可以摺埋一二邊。假如你收埋自己嘅話，就算人地想識你都好難。新入hall最好就出入果陣多啲打招呼、同人吹水，比個正面印象人地先。
住hall 4

5.是非多

當一班朋友係hall住嘅時候，交流多又玩得多，但出現摩擦嘅機會亦都會大咗，同埋是非嘅傳播速度亦都會比光速快。所以要做好心理準備係hall會聽到好多你未必想聽嘅野，不過最緊要就避免成為是非嘅主角啦。
住hall 5

延伸閱讀：
大學五件事 – 係咪要做齊先叫讀過U？
芬蘭exchange – 入到大學，最想做的不是大學五件事而係

此文章純屬 Blogger 個人分享，並不代表本網誌立場。