【快速減肥】快速減肥對身體有害？如何健康地快速減肥？

資料引用/摘錄：www.womenshealthmag.com，www.beauty321.com，健康2.0

今時今日，好多女士都想變得瘦啲，靚啲；男士都唔想自己突晒個肚腩出嚟，相信你哋都好想以一個最佳嘅狀態示人。因此，你哋可能會喺Gym 房日做夜做，都係為咗令自己瘦啲，咁有咩方法可以達致快速減肥？好多人都想快速減肥，但係無從入手，亦有唔少人覺得快速減肥唔好，因為驚身體適應唔到、有反效果。咁究竟快速減肥係咪真係唔好？今日Tutor Circle尋補嘅小編就同大家搜羅左4種快速減肥嘅方法，解答一下究竟快速減肥係唔係一定對身體有害！

1. 水果減肥法

圖片來源

第一，小編相信有好多人都知道水果減肥法，但係唔少人對於呢個方法有一絲誤解，以為呢個方法就係食水果，幾時食都冇問題。其實，呢個方法係要大家將水果當正餐食，如果你本身係好鍾意食水果嘅話，咁就啱晒你啦！因為水果嘅份量冇一個數量嘅限制，鍾意食幾多都得！不過，水果唔可以長期空肚食，因為可能會令經期不信或者令血壓唔正常，所以小編建議大家最長實行時間為三日，最多每個月實行一次就得啦，千祈唔好每日執行！小編覺得呢個快速減肥方法值得一試，因為對於要在職嘅人士，呢個方法係非常慳時間，只要係正餐食水果，咁就搞掂，但係要適可而止。當然，如果你想減肥既效果好啲嘅話，就要配合埋適當嘅運動！

［延伸閲讀］【跳繩減肥】跳繩減肥有效嗎？真是「低耗時，高效能」的運動嗎？
［延伸閲讀］【減肥早餐】在家工作吃多了？吃什麼早餐才可減肥？

2. 美娜飲食法

圖片來源

第二，相信大家都識得美娜，佢系gu9udan既成員。原來佢都有試過用飲食法減肥，佢系早餐會食雞胸肉炒飯+水果、蔬菜沙拉，而午餐就會食半碗糙米飯+雞胸肉沙拉，最後夜晚就會食半碗糙米飯同埋飲海帶湯。如果系下午茶時間肚餓既話，美娜就會飲少少南瓜粥。小編認為呢個快速減肥方法唔單止令自己飲食均衡，亦都可以減肥瘦身，可以嘅話，小編十分推薦大家用呢個方法減肥，因為用呢個方法去減肥比較低風險，亦唔會好極端，比較容易執行。

3. 52斷食法

圖片來源

第三，之前52斷食法都有流行過一排，不過咩叫做52斷食法呢？相信呢個亦都系大家既一大疑問。根據健康2.0所提供既資料，採取52斷食法系有2個原則，首先進行高纖飲食，第二系俾腸道一個修護時間，系這段時間內唔好再進食。「唔好進食」既意思唔係叫大家唔好食野，而系改飲好似蔬果汁既液體，令腸胃有8至12果鐘既休息時間。可能你會問小編點解唔推介大家使用「168斷食法」，如果你系成日減肥，身體已經適應咗，咁當然冇問題啦！但係「168斷食法」糸需要每日維持16小時既斷食，假如你啱啱先開始減肥，小編唔推介你用呢個快速減肥方法，因為驚你既身體適應唔到。

4. 姜素拉減肥餐

圖片來源

最後，大家都知道姜素拉系一位好瘦既女神，但原來佢以前都有肥過，後來佢自製咗減肥餐去減肥，仲好似瘦咗5公斤，我哋不妨睇吓佢既減肥餐系點，參考ㄧ下!
早餐：一片雜糧麵包、一顆葡萄柚、一杯黑咖啡。
午餐：一個水煮蛋、一顆蘋果、一匙水煮鮪魚（或是用開水瀝除油脂後食用）、一杯無糖清茶類。
晚餐：一碗白粥、十顆葡萄、一顆蘋果。

快速減肥係唔係一件壞事？

小編覺得做乜嘢都要適可而止，千祈唔好過咗火，所以對於小編黎講，快速減肥無話好定壞，只係需要識得自己去平衡，就好似小編頭先所介紹嘅水果減肥法，雖然個方法好有用，但係如果你每日都執行，長期來講，對身體係一定會有副作用，得不償失。不過，如果大家可以係健康同埋減肥之間作出平衡，就唔會有好多負面影響或者風險。其實，小編覺得最難嘅唔係減肥，而係點樣可以去接受自己，聆聽自己既心聲，小編知道可能你哋會想有朋友或者家人去讚美你哋嘅身材，認為肥唔好睇，但係肥唔係罪，如果你身邊有一個人會因為你肥定系瘦，而去判定你嘅價值，相信嗰個人唔係真心地愛你或者珍惜你，根本唔需要花時間去同呢啲人相處，最緊要係要做自己，用最舒服嘅方式去生活！

［延伸閲讀］【間歇性斷食】懶人不運動輕鬆減肥方法！
［延伸閲讀］【減肥方法】適合懶人的生酮飲食
［延伸閲讀］【健身入門】由零開始玩健身！用健身app學習練成summer body無難度！

總結

總括而言，快速減肥可以令大家以一個最佳狀態示人，但係減肥系應該為咗自己而減，而唔係人哋，唔好走火入魔。如果唔系既話，大家既身體有機會適應唔到，病埋入咗醫院，咁就唔好啦！既使大家用快速方法減肥成功，之後都要keep住做運動，先唔會容易反彈，希望呢篇文可以幫到大家！

此文章純屬blogger個人分享，並不代表本網誌立場。

*本文參考了www.womenshealthmag.com，www.beauty321.com，健康2.0

想追返學校進度？Tutor Circle尋補有超過35,000個三大導師，最快兩小時幫你搵一個優秀既上門導師！

想搵一個合適既私補老師

DSE讀得咁辛苦，想活用知識黎賺下外快？

想搵好多好多私補學生

緊貼尋補 Blog、Facebook 、 Instagram同 LinkedIn，尋補？Tutor Circle！

Z世代修辭手法 Ocamp
英文補習上莊中文補習議論文
 slp sample 補習網數學補習
 大學五件事綜合格式