【香港staycation】香港Staycation優惠真的划算？戀人閨密Staycation網紅照必學

近日，Staycation成為本港嘅一個新潮流，逐漸成為市民嘅消閑首選。小編相信今年大部份人都冇去旅行，不過，唔緊要！好多酒店都「食住個勢上」，推行左唔同嘅香港Staycation優惠，好多優惠都好抵玩，就算住返一晚都抵囇，可以係酒店同屋企人、朋友「快閃」一晚，為平日嘅「宅家」生活加添返一啲樂趣，無咁悶。呢啲機會唔係成日有架！今日Tutor Circle尋補嘅小編就同大家介紹一下唔同嘅香港Staycation酒店優惠，希望啱你哋心水啦！

究竟咩叫做staycation ？

圖片來源

【香港staycation】香港Staycation優惠真的划算？戀人閨密Staycation網紅照必學

根據tw.blog.voicetube.com所提供嘅資料，staycation 這個字由 stay (停留) + vacation (度假) 所組成，也就是 stay-at-home vacation，中文為「宅度假」。

1. 沙田凱悅酒店

圖片來源

香港沙田凱悅酒店(Hyatt Regency Sha Tin Hotel) | Agoda推介住宿 — 沙田凱悅酒店「美食假期」住宿計劃

首先，沙田凱悅酒店推出左唔同嘅優惠，今次嘅優惠包括「美食假期」住宿計劃，二人入住連埋雙人自助晚餐房價會由HK$1,330 起（連服務費 HK$1,463)，小編覺得好抵玩，平時兩個人喺五星級酒店食個buffet都唔止呢個價錢啦！呢個計劃可以令你享受琳琅美食，真係好嘆！不如快啲約埋朋友一齊嚟，同佢有一個開心嘅小聚，享受美好嘅假期啦！小編知道你哋可能唔太鍾意食buffet，好似小編咁就麻麻地，因為成日都試唔晒各種美食，食到一半就好飽。如果你哋同小編一樣，就可以趁機會，試吓用呢個優惠，二人入住連 5 道菜晚餐房價 HK$1,180 起（連服務費 HK$1,298），不過呢個優惠只係適用於星期一至五及非公眾假期入住，所以大家要留意，確保自己唔好去錯時間。就算大家係staycation之後嗰日要返工，淨係可以住一晚，都有酒店優惠。小編覺得大家值得係酒店玩返一晚，仲有小編覺得酒店既地理位置好方便，小編睇咗Google Map ，酒店鄰近大學站，行幾分鐘就到。其實酒店仲有其他優惠，各位可以參閲官網，或者既網站，大家不妨可以去呢間酒店玩下啦！沙田凱悅酒店官方網站: www.hyatt.com ［延伸閲讀］【Hotel Man出路】2大迷思［延伸閲讀］【高中新選修科】旅遊與款待讀完入U就可以讀Hotel Man？

2. 將軍澳皇冠假日酒店

圖片來源

另外，你哋既小朋友係唔係成日留係屋企，無得放電呢？不如帶佢哋出去體驗吓香港Staycation啦！最近，將軍澳皇冠假日酒店出咗一個plan，可能大家都聽過，佢就係「食、住、歎」既staycation package，可能大家都會好關心入住價錢，星期一至四二人入住每晚 HK$1,155（價錢已包加一服務費）；星期五至日二人入住每晚 HK$1,430（價錢包加一服務費），呢個價錢不單止包咗兩個人入住一晚，仲送埋你哋雙人自助早餐同埋自助晚餐。話明係staycation，梗係要嘆吓，冇可能成日都要趕頭趕命，酒店好貼心地推出「延遲退房」既措施，大家可以下午 3 時先退房。不過，大家要記住唔好遲過呢個鐘數退房，否則，酒店可能會收取附加費用。大家仲可以帶埋自己既小朋友，去享受1 小時免費單車體驗，同陽光玩下遊戲。如果大家有揸車，亦都可以享用免費泊車既服務。每間房最多可以容納兩位大人，同埋兩位小朋友，千祈唔可以多過4人。如果大家需要加多一位 3 至 12 歲以下小童（因為以上價格只包兩人住宿同埋兩人所需既服務）只要付 $250 （連服務費 $275），就可以有加床位、同埋有自助早餐及自助晚餐喇。今次優惠只係接受電話預購（可直接向酒店電話預訂酒店房間，電話3983 0300），酒店辦工時間為每日 9 時至晚上 7 時，如果大家係預訂既時候說明自己係「RunHotel 讀者」，就可以升級至 340呎的皇冠城景房，唔使錢㗎！小編都係喺RunHotel個網站搵到呢個優惠，詳細資料大家可以參閱返RunHotel嘅網站。優惠適用入住日期：即日至 2020 年12 月。將軍澳皇冠假日酒店官方網站: www.ihg.com

3. YMCA 酒店

圖片來源

第三，呢排YMCA酒店推出咗超抵自助餐同埋住宿優惠，可以享受三餐自助餐，連標準客房一晚，仲可以二人入住添！入住嘅時候會提供埋水果，作為歡迎大家來臨嘅禮物。等小編同大家介紹一下酒店嘅自助午餐啦！香港Staycation自助餐又點少得海鮮呢？酒店會提供唔同種類嘅海鮮，包括有凍蝦、青口、螺同埋小龍蝦等等。小編覺得呢個自助餐都真係唔錯，可以食到唔同嘅海鮮，如果大家鍾意食海鮮, YMCA酒店係一個唔錯嘅選擇。 YMCA酒店官方網站: ymcahk.org.hk ［延伸閲讀］【Netflix電影推薦】3部熱門推薦電影宅家必看［延伸閲讀］【日常英文】好dirty啊！抗疫英文你要識！［延伸閲讀］【staycation】酒店大推staycation! $1000 住五星級酒店？

4. 瑞吉酒店

圖片來源

香港香港瑞吉酒店(The St. Regis Hong Kong) - Agoda 提供行程前一刻網上即時優惠價格訂房服務

第四，小編要介紹香港瑞吉酒店。香港瑞吉酒店系一間五星級嘅酒店，不嬲走開奢華路線，唔使多講，相信大家都認識呢間酒店。小編都好想試吓喺度staycation ，輕鬆一下。可能你會覺得好貴，負擔唔起（你亦都可能好有錢，就算冇優惠都可以成日住呢間酒店），不過，如果你好似小編咁，冇錢住間咁貴嘅酒店，都唔緊要！因為酒店終於推出咗限時、超抵玩既香港Staycation 優惠，三千蚊就可以入住！就等小編同你地介紹吓個package啦！酒店宜家推出咗「精緻佳餚住宿體驗」既住宿優惠，由即日起(截至 12 月 18 日）住宿+buffet最抵只需要俾HK$2,988（連服務費 HK$3,287）起就入住豪華客房，享受完美嘅住宿體驗，除咗豪華嘅住宿體驗之外，仲包埋 The Drawing Room 三道菜二人晚餐，大家亦可以係「潤」中餐廳享用豐富既雙人早餐、免費代客泊車服務等服務，相當吸引。客人仲可享受全天候私人瑞吉管家服務，盡情體驗畢生難忘嘅staycation！當然，大家選擇繳付額外費用，將房間高級至豪華客房或者尊貴豪華客房，好好享受舒適嘅假期。適用入住日期：即日至 12 月 18 日香港瑞吉酒店官方網站：http://www.stregishongkong.com

5. 網紅照究竟點影？

最後，staycation嘅時候，點先影到令女朋友、閨蜜滿意滿意，又似明星咁性感嘅相？

善用相機app入面嘅格線（九宮格），格線十字交匯處放喺人像近鏡頭嘅眼睛上面
用廣角鏡拉長雙腿
影完後，加filter後製塑造自己想要的風格
利用體積較大嘅飾物修飾面型
用枕頭做反光板幫人像正面補光
唔好再數1，2，3啦！狂影好多張，先會搵到張自然嘅，甚至搵到自己未見過嘅角度同神態
矇都可以係張好多人like嘅相！

圖片來源

總結

總括而言，呢排嘅香港staycation優惠真係嚇到你面青，因為好多酒店本身都好少打折，但係因為今次疫情嘅爆發，令大家可以用一個極平嘅價錢入住酒店。小編認為我哋嘅人生只有一次，唔會重黎，應該咩都要試吓。不如大家趁疫情緩和，快啲同家人、朋友享受「非一般嘅旅行」，唔好錯過咗呢個可以體驗Staycation嘅機會，如果今次唔去，之後可能就冇得以平價入住酒店㗎啦！不過小編要提醒大家如果喺酒店大堂或者房間外，應該要戴上口罩（除非做緊一啲戶外活動），以減低傳播或者自己被感染嘅風險。 *此文章由 Blogger個人／編輯團隊分享並僅供參考，意見及內容並不代表本網誌立場，Tutor Circle 尋補對信息或內容所招至的損失或損害，不會承擔任何責任。