【大學生活】理想中既hall life與現實宿舍生活 (*獨家Lalamove搬hall優惠)

上到大學，唔少人都會考慮住hall。住宿舍一黎就方便自己上堂，二黎就當然係識新朋友大玩特玩！但住hall又係咪真係咁容易、咁簡單、咁開心、咁自由呢？今次Tutor Circle 尋補就同大家分享下身邊朋友嘅宿舍生活經歷，當係俾大家一個參考，仲有獨家Lalamove搬hall優惠！

想知怎樣把學歷同工作經驗要點寫到履歷表CV上？

立即登記免費領取CV範本！

✨包含3份不同工種的CV 範本

✨學歷、工作內容為你編寫，度身訂做

✨Word檔編輯，輕鬆Edit

登記免費拎取

1. 申請住hall好易

個個都住hall，係真係大把人都想住hall！由於每間u嘅hall都非常爆滿，所以hall都會用計分制決定派唔派hall offer俾你。例如睇下你住得遠唔遠，屋企環境迫唔迫，而唔少人為左住hall，都會虛報地址，話自己住到無雷公咁遠。而學校經過左多年嘅洗禮，都識破左學生呢啲招數，所以審查都越黎越嚴謹！小編就試過有朋友真係住係深圳，申請hall個時唔單止俾office要求交住址證明，仲話要交埋過去一個月嘅八達通記錄，證明佢真係有日日來回深圳同學校。真係唔好見咁多人住hall就諗一定會住到，要住到，係申請個時都真係要花啲時間準備住hall。

Hall life - far — 係香港難過登天，唔係住得夠遠就住到，因為有大把人住得遠過你多多聲。

準備住hall個list咁長，自己點拎得曬呀……檯燈、裝啲沐浴露既籃、水桶同清潔劑都唔輕，屋企人唔得閒幫手？唔緊要，想搵人幫手搬嘢？搵Lalamove啦！而家使用優惠碼LAFTC，Tutor Circle (尋補)讀者首次使用Lalamove速遞服務，即減$30！
*Lalamove保留此優惠活動的解釋權和最終決定權

2. Return Hall都好易

係住夠一個sem之後，你想繼續住hall就要申請return，而return可謂比新入hall更難。Return一樣要計分，唔止計你住邊，仲要計埋你玩左幾多課外同hall活動！例如你有玩校隊就可以另加10分，有玩過聯hall嘅比賽又會再有分加！除此之外，仲要睇埋個别hall係點運作。係小編嘅大學，hall莊仲可以保證你能唔能夠return！同佢地frd啲就一定有著數！而多數hall莊都會要求你地幫手做下hall ocamp嘅組爸組媽黎換取return嘅保證。所以想住多一排hall，最好就同hall莊打好關係，確保自己return到啦！
點解啲人會上莊？除左拎hall分上莊仲有啲咩得著？

比錢買難受？人點解要上莊

Hall life - team — Return hall要睇contribution，如果有玩下sports school team就有分加啦！

3. 同roommate做好朋友

以為朝夕相對就一定會日久生情，同roommate成為好朋友？有好嘅夾得黎嘅roommate就係，遇上啲麻煩室友嘅話就唯有屈就一個sem，期待下個sem會更好吧！小編嘅朋友就曾經試過，萬聖節個晚小編朋友咁岩翻左屋企訓，第二朝翻到hall，就見到roommate同兩個光著上身嘅男人訓左係到，訓埋佢張床，佢真係黑人問號左。所以你話，有好roommate係幾咁奢侈同幸運。

Hall life - friends — 遇唔遇到好roommate好睇彩數，唔好咁大幻想可以同到roommate成為至親好友。

4. 廁所環境

好彩嘅，你嘅roommate同toiletmate都正正常常、乾乾淨淨。唔好彩嘅，我真係恭喜你.jpg。小編朋友就試過同個好污糟嘅交流生share廁所，佢從來都唔做清潔，成個地下都係不知名毛髮都算，個廁所簡直臭過大㰖隧道個公廁！當刻真係會感覺到屋企係住得幾舒適，幾想有個人幫你搞掂哂啲清潔。

5. 日日大魚大肉

以前成日都抱怨阿媽煮野唔好食，或者食黎食去都係果啲餸，諗住出左黎住hall就可以餐餐大魚大肉，中意食咩就食咩，日日食好西。一開始總是美好的，但食得多就會開始厭倦左味精，而且會覺得愈黎愈少選擇，食黎食去都係果幾間，開始好掛住屋企媽媽煮嘅住家飯同埋老火湯。

Hall life - food — 日日出街食飯都會食到厭，間唔時都會掛住媽媽的廚藝。

6. 脫離屋企魔爪

諗住脫離屋企去住hall好自由好開心？事實係唔少人住左hall就發現自己好掛住屋企。人總是犯殘的，總要去到失去左先識得珍惜。住得hall耐左會開始掛住屋企成家人熱熱鬧鬧果種溫馨嘅感覺，如果係有養貓狗嘅同學一定成個禮拜最掛住嘅就係隻衰貓/狗！雖然好多時返一返去住兩晚又會覺得好嘈好冇自己嘅空間又想走返hall哈哈。

Hall life - pet — 有養寵物嘅各位剷屎官一定會明白要同自己心愛嘅貓狗骨肉分離果種痛苦。

7. 上堂實唔會遲到

好多人以為住hall咁近學校，可以訓耐啲之餘又唔會遲到。但實情係住hall反而更加容易遲到！以為自己住得好近所以成日時間都預到好緊，再加上有時候朝早太攰好想訓多陣，或者見住同房roommate仲訓得咁舒服，賴左一陣床就係咁就遲到了！而且住hall出門口嘅時候唔知點解總會漏東漏西，有時又唔記得閂燈閂窗咁，搞一搞又遲左5分鐘先出到門口。結果最後反而遲過係屋企出發嘅同學。
成日都遲到又遲交assignment？你會唔會係時間管理出左問題呀？

四個時間管理技巧秘笈

Hall life - alarm — 通常朝早hall走廊係不停有鬧鐘聲，間間房都響緊但響極都冇人出房門。

8. 個人空間同幽靜環境

以為住hall冇左阿爸阿媽啲電視聲會安靜啲咁可以做自己野？咁你就大錯特錯喇！住hall係會有好多意想不到嘅嘈音，例如半夜三間黎自隔離hall嘅歡呼尖叫聲，或者係突然有人係走廊度狂奔嘅聲音，甚至你嘅roommate都可能唔係一個安靜嘅人，而且hall到嘅隔音通常都好一般，如果訓得唔係好冧嘅同學應該一晚會醒好幾次。