城大

【城市大學】城大Canteen唔只頹食!剖析大學系列!

揀大學時除了留意學科要求外,不少同學都會關心大學文化有咩特別!而每間U都會有各自嘅禁忌同特色,入得去讀書或準備入去前都必須知道清楚,城大反枱出名到周圍都知,但係除咗反枱仲有咩特別文化呢?今次尋補Tutor Circle就黎同你分享下城大嘅事啦!


城大GPA禁忌

經又一城入去,行過時光隧道,就會見到城大有五對紅色大門,唔好以為佢只係個入口咁簡單,傳聞中間個對紅門十分邪!話只要係行過嘅學生,GPA一係唔過一,一係就爆四!亦都有另一個說法話行左就GPA唔會過三。如果第一個講法係真,今鋪就真係睇你夠唔夠膽一搏,單車都變摩托啦 :D仲有係面對住又一城方向嘅位置,城大仲放置左兩隻四不像,傳聞就話碰不得,凡係掂過摸過嘅,都會畢唔到業 D:呢兩個傳聞係邊到傳出就到依家都未知啦……不過小編係學生黎講,就真係寧可信其有,不可信其無!

城大
圖片來源:香港城市大學

Canteen一定頹食?

個個都以為大學canteen就算好食得都係有限,但城大就真係唔錯架最普通最平嘅就一定係AC1 Canteen,燒味飯就最多人食啦,聽講個到嘅師傅見到靚女仲會專登斬靚啲嘅燒味俾佢地 @@當中有個area叫黑房,就會貴小小,不過就有類似pepper lunch嘅鐵板飯食!AC2更加有遠近馳名嘅漢堡包同沙律,都吸引左唔少人特登黎試!
最最最重要係,城大同又一城連接住架嘛!又一城因為白雪雪嘅裝修,得稱為white zone,就算唔想食canteen,都可以去white zone嘅food court 買啦!所以有部分學生都會叫又一城嘅food court做又一can :D幾時都話,城大個地理位置真係無得輸,食野都多選擇啲!



世界最靚學術樓之一?

城大大部分buildings都集中一齊,係又一城附近,有座building就偏遠啲去到石硤尾,就係邵逸夫創意媒體中心啦!座building幾新淨,亦都少啲學生係個到上堂,但唔講唔知座building仲係14年入選過由德國建築公司評選嘅世界十大最美麗的大學建築之一!聽講個到cafe嘅奶茶仲特別好飲啲:D入左城大未必有機會係個到上堂,但grad前都真係要抽時間上去行下欣賞下。
城大而家仲有讀獸醫,教學地點搬左去深水埗喇!


Copyright © 2022 Tutor Circle 尋補. All rights reserved. 此文章未經許可,不得轉載。
Copyright © 2022 Tutor Circle 尋補. All rights reserved. 此文章未經許可,不得轉載。

延伸閱讀:【城大獸醫】唔洗出國,香港都有獸醫讀!

城大
圖片來源:香港城市大學

仲想唔想知其他U有咩禁忌同特色呢?想就記得留意下一篇blog啦!
 
延伸閱讀:

【中文大學】中大書院有咩特別?剖析大學系列!

【科大】踩到智慧石就要quit u? 剖析大學系列!

【港大鬼故】入得香港大學 你唔係唔知啊?- 剖析大學系列!


*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Cricle 尋補 對信息或內容所招至的損失或損害,不會承擔任何責任。
城大
城大

尋補?Tutor Circle!

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言