【理工大學】入得Poly 你唔係唔知啊？- 剖析大學系列！

Post author:城大小薯仔
Post category:學校簡介
Post published:2020-11-07
Post last modified:2020-11-07

每間U都會有各自嘅禁忌同特色，入得去讀書就一定要知。
今次就等Tutor Circle 尋補黎同你分享下Poly嘅事啦！

Tutor Circle尋補Telegram用戶現可享獨家免費教學資源，逢星期五發放，助您輕鬆指導學生！發放時會在instagram story公布，唔想miss左？Follow我地Tutor Circle尋補IG啦！

立即加入導師TG

Y座停屍間……?

Poly都有好幾座building，理所當然地每座building都會有𨋢。咁多building，咁多部𨋢，全部都係得一隻門。偏偏Y座嘅一部𨋢，係有兩隻門，仲要傳聞Y座嘅14樓經常鬧鬼…… 原來兩者係有關連！個部𨋢之所以要有兩隻門，原來係要用黎運送屍體上14樓做學術研究@@再追溯下歷史，原來poly嘅原址就係紅磡公眾殮房，呢啲鬼神嘅野，真係信不信由你啦……
polyu 鬼故

四不像爛Grade傳說

之前提過城大摸左四不像會grad唔到，原來poly四不像都有類似嘅傳說。傳說摸左poly四不像，GPA就會過唔到二！小編就有朋友唔信邪，衝動咁就去摸左佢，結果個sem正正常常讀書，GPA都真係唔過二@@ 如果聽完都仲話去要摸下，小編只能為你送上一張圖：
polyu 鬼故

Poly獨特地標！

呢座building之所以可以叫做地標，全因為佢獨特嘅外型，佢就係賽馬會創新樓啦！賽馬會創新樓係國際知名建築師Zaha Hadid係香港第一個固定項目，Poly嘅設計學系出名就眾所週知，而呢座building就係希望營造創意同跨領域嘅環境，培育設計人才！一座內外都咁靚仔嘅building，真係夠哂獨特，係個到上得堂多，唔知個人會唔會都變得好有設計感呢?
polyu 鬼故

仲想唔想知其他U有咩禁忌同特色呢？想就記得留意下一篇blog啦！