由細到大手腳唔協調、平衡力勁差嘅我踩單車、游水呢啲野從來都冇我份至數日前⋯⋯有人約我去游水!望下衣櫃,泳衣都冇件再望下自己,有,都冇用啦你,識游水咩?!呢個時候自信心跌到落谷底嘅我心諗:識游水,好叻咩?游水,有啲咩用丫你話!尋補Tutor Circle講講游水既好處。
目錄
1. 強身健體
游水都係一項運動,可以鍛鍊身體係理所當然的,游水需要嘅呼吸比喺陸上嘅呼吸多大約係一倍至一倍半左右,所以游得水多肺活量亦都會增加。而且游水需要用到全身嘅肌肉,游得多水身體嘅線條都會靚啲tim。
keep fit除左游水之餘,好多人都會去練跑tim
![【游水好處】識得游水有咩著數? 游水 好處](https://media.giphy.com/media/D7z8JfNANqahW/giphy.gif)
2. 能醫百病
頭先都有講到游水會令肺活量增加,所以游水係可以好有效咁改善呼吸系統架。對鼻敏感同有哮喘嘅人都好好。除此之外游水對腸胃唔好嘅人,都有幫助游水促進腸道蠕動同埋胃液分泌。如果係輕微的腸胃病患者,游水真係最好既療法之一呀!聽講對腰骨都好tim架哈哈。
![【游水好處】識得游水有咩著數? 游水 好處](https://media.giphy.com/media/7540W3ytwGKSA/giphy.gif)
3. 減肥捷徑
好多女明星都靠游水嚟減肥,好似范冰冰、陳意涵、張鈞甯等等,因為水裡面有水壓,水中阻力較大,而且水溫較低,因此游水所消耗嘅卡路里會比陸上嘅運動較大,各位貪靚嘅女生不妨考慮一下游水減肥啊,促進咗血液循環仲會令皮膚靚啲tim。
Copyright © 2024 Tutor Circle 尋補. All rights reserved. 此文章未經許可,不得轉載。
Copyright © 2023 Tutor Circle 尋補. All rights reserved. 此文章未經許可,不得轉載。
![【游水好處】識得游水有咩著數? 游水 好處](https://media.giphy.com/media/m07USOzLdOm2c/giphy.gif)
4. 水上運動
水裡面嘅運動又點止得游水一樣呢。游水只係一個基本,之後仲可以延伸出去好多好玩嘅運動,例如:浮潛、滑水、衝浪等等,尤其係中意去東南亞國家玩嘅朋友,咁多水上活動咁好玩,如果唔識游水真係太可惜喇~
![【游水好處】識得游水有咩著數? 游水 好處](https://i.gifer.com/h9r.gif)
5. 求生技能
災難片睇得多,海嘯呢啲簡直係基本,如果唔識得游水,生存到最後嘅主角一定唔係你,好多意外發生嘅時候,入水都係一個冇辦法之中嘅辦法,祈求有一絲希望可以生存。而且仲可以救埋其他人做英雄tim!
![【游水好處】識得游水有咩著數? 游水 好處](https://i.gifer.com/Gz38.gif)
6. 紓緩壓力
有冇人覺得沖涼好紓壓!!游水比起沖涼更加有減壓嘅效果,原因係水流對皮膚造成嘅超小幅衝擊,甚至係無知覺嘅地步,其實係幫緊你做一種特別嘅按摩,除左幫你放鬆長期繃緊嘅肌肉之外,仲可以鬆馳神經,放空心情。
![【游水好處】識得游水有咩著數? 游水 好處](https://media.giphy.com/media/iIbgY9P1m0woM/giphy.gif)
睇完係咪好想即刻去學游水呢?學識游水真係有好多好處架。
有心唔怕遲!大個都可以去學架,最緊要你有心❤️
![【游水好處】識得游水有咩著數? 游水 好處](https://media.giphy.com/media/YkvZNZj0d0o6s/giphy.gif)
(圖片均轉載自網絡)
【延伸閱讀】舒緩壓力:點樣同壓力做朋友?
【延伸閱讀】長洲一日遊 | 朝聖休閒Relax全攻略
此文章純屬 Blogger 個人分享,並不代表本網誌立場。
![【游水好處】識得游水有咩著數? 游水好處](https://tutorcircle.hk/blog/wp-content/uploads/2023/01/0106TCFeed_Registration-banner1_1920x500-scaled.jpg)
![【游水好處】識得游水有咩著數? 游水好處](https://tutorcircle.hk/blog/wp-content/uploads/2023/01/0106TCFeed_Registration-banner2_1920x500-scaled.jpg)
其他人還看了……
中學排名 呈分試 升中面試 英文補習
大學收分 Jupas 副學士 DSE筆記
大學五件事 私補價錢 Ocamp 暑期工
生日好去處 IQ題 任坐Cafe
活得像天上的雲一樣,無目的,無方向。快樂時和太陽玩耍,難過時讓整個世界陪我哭泣。