讀law 出路

【讀Law出路】學科讀乜做乜睇真啲 – 法律!

雄辯滔滔、過目不忘、前途無可限量,都可能係大家對於讀law嘅人嘅印象。無翻咁上下嘅DSE分數黎證明自己嘅能力,入LAW都真係有啲難度。可能你對於 law 學生嘅理解,都係由tvb劇營造出黎嘅效果,但真實又係點呢?:o 尋補Tutor Circle帶你睇睇真相。


背書大過天嘅學科?

普遍人好似都覺得:嘩……讀law又要背條例,又要背案例,大學咁多年都係到背背背……、要明白一個事實係,大學無論咩科都係需要你背書,而law的確又係背多啲嘅。但你話係咪勤力背晒就代表你讀得掂law?絕 對 唔 係 !反而係大部分考試裡面,professor都會允許學生open book去考,尤其係準備案例相關嘅筆記 :o因為將來如果做律師,唔係識得背就叫好,而係要識得去諗同去理解,點解會有呢條法律、佢保障左啲咩人咩事、過往有無咩案例曾經令條法律好似有bug,考試又要知究竟咩案例,咩條例點樣、點解、咩細節可以應用翻落去每一單case上面。咁當然,你背得熟又隨時應用到,咁就10分滿分攞10分啦 😀
讀law 出路

大學Grad即做律師?

同親啲姨媽姑姐講起有人讀law,相信佢地十居其九嘅反應都係:「哎呀咁叻啊?咁畢左業咪做律師賺大錢囉!真係生性架姐〜」
相信law嘅人聽到呢到,對眼已經反到去後腦,事關佢地好清楚知道,唔係一grad就一定做到律師,因為仲有個法定課程: PCLL (The Postgraduate Certificate in Laws) 法學專業證書等住佢地去考。而你要入到PCLL,你首先要係大學靚grade。有幾科 C range左,second hon都無左?Sorry James,努力過再捲土重來啦。
不過香港律師會最近就想推出LSE (Law Society Examination) 律師會考試,俾入唔到PCLL嘅學生就讀,不過律師界又未有共識,LSE係咪推行都仲係未知之數。所以無咩事,law學生都係碌翻出去溫PCLL啦 🙂
讀law 出路
圖片來源:蘋果日報



實習跟師父!

講到呢到,係咪衍生出一個諗法:入到PCLL嘅學生就係過海神仙?
少年你真的真的真的太年輕了。因為你考到PCLL,都仲有1-2年培訓要完成。就係大家耳熟能詳嘅「跟師父」做trainee啦。其實唔少人都話做trainee即係做個內務大總管,影印下、斟茶遞水、跟住去見客,從中慢慢學習下律師樓係點運作,順便熟習下行內嘅傳統,點樣應對界內各式各樣嘅人,最最最重要真係唔好失禮自己師父同間firm。
萬一跟著個唔岩嘅師父,要quit都唔係你話走就走,要雙方都同意先得:$有咩令到師父唔滿意,你仲可能要延長個實習期 :o培訓當中,做好本份,儲定未來做律師必定有用嘅人脈、客户,養好自己名聲,或者都係係律師界鋪路嘅好時機!
讀law 出路
圖片來源:TVB「三個女人一個Bar」劇集截圖
 
【延伸閱讀】港大法律系 – 我的glaw學習日誌
【延伸閱讀】學科讀乜做乜睇真啲 – 社工系!
 
此文章純屬 Blogger 個人分享,並不代表本網誌立場。
 


Copyright © 2022 Tutor Circle 尋補. All rights reserved. 此文章未經許可,不得轉載。
Copyright © 2022 Tutor Circle 尋補. All rights reserved. 此文章未經許可,不得轉載。

想追返學校進度?Tutor Circle尋補有超過35,000個三大導師,最快兩小時幫你搵一個優秀既上門導師!

想搵 一個合適既私補老師

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebookInstagram,想尋補?搵Tutor Circle

 
Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

 


*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Cricle 尋補 對信息或內容所招至的損失或損害,不會承擔任何責任。


尋補?Tutor Circle!

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言