【YouTube 賺錢】我要做個YouTuber！年薪百萬不是夢？

Post author:小雲
Post category:小編分享
Post published:2018-11-08
Post last modified:2023-06-05

近年隨著科技發展同社交平台嘅普及造就咗好多新興產業同不同嘅工作機會其中YouTuber或者係平時講嘅網絡紅人就係大勢之一。一般我地上YouTube睇片都係為左娛樂亦可能會覺得拍片嘅人輕輕鬆鬆，玩下成班人開心下就有錢收好正，因而想加入成為YouTuber嘅行列，但係你又知唔知而家入行做YouTuber，係咪真係咁好搵呢？Tutor Circle尋補帶你睇真相啦！

1. 入行門檻變高

YouTube係今年1月16號就宣布左新嘅YouTube合作夥伴計劃資格規定而家想加入YouTube嘅分紅計劃，需要係過去12個月裡面，累計觀看時數達到4,000個鐘，並且訂閱人數要超過1,000人，YouTube先會審核你嘅channel，係咪符合加入呢個計劃嘅資格，主要都係睇下你嘅影片內容係咪原創，目的係想防止垃圾內容同埋拎人地啲片黎用，不過去到比佢審查呢一步已經係好遠嘅事喇！

2. 與平台拆帳廣告分紅

一般我地睇片睇到最後，YouTuber們都會叫你Like同Subscribe或者Comment，但原來呢啲全部都唔會為佢地帶黎收入架，真係純粹對佢地嘅一個支持黎架咋！係YouTube上面嘅廣告費分成，係靠CPM(千次曝光出價)，簡單黎講即係條廣告透過你條片播左幾多次，但係並唔係你表面睇咁簡單架！YouTube上面計算點擊次數並唔係真係就咁點擊左就計，影片質素要達到720p以上音量要大過一半，完整睇晒成條片唔可以暫停同埋快轉，最重要係唔可以飛廣告撳Skip Ad！！！做齊晒YouTube先會幫你count呢個係一個有效嘅觀看次數，而且自動播放、重複播放、播放清單都唔計的

3. 收入浮動不穩定

而家我地睇到賺好多錢嘅YouTuber，佢地主要嘅收入其實都唔係黎自YouTube嘅廣告分紅，而且同廠商直接洽談嘅廣告或者叫業配，又抑或係紅左之後出席活動同合作賺嘅錢，主要嘅收入來源都係呢啲我地俗稱賣廣告嘅活動，但係收入嘅多少亦好因人而異，而且並唔係時時都有咁多job，所以收入都好唔穩定架，同其他freelance一樣要好好理財，同埋承擔收入唔穩定嘅風險先得！
而家好多人紅左都會做KOL賣下廣告咁，到底係咪真係咁好做？