【香港本地遊】發掘一個不一樣的香港

Post author:Smallpotato
Post category:吃喝玩樂 / 小編分享
Post published:2018-12-21
Post last modified:2018-12-21

成日都話想去旅行，但冇錢買機票、冇時間飛… 有冇諗過係香港都可以去旅行？成日都係去其他國家，台灣、日本、韓國都去厭啦點解唔探索下我地既香港？香港本地遊有咩玩架？Tutor Circle尋補帶你深度遊。

旺角、尖沙咀、山頂、海洋公園…雖然香港既特色景點真係有好多，我地由小聽到大，肯到肯到囇啦，你唔係會以為我會介紹呢啲遊客景點比你呀嘛 🤨都市人生活忙碌，日日都係營營伇伇咁過，放假就梗係去啲少人啲既地方啦！

香港本地遊

鴨洲（大鴨洲）

考下你眼力，你見唔見到鴨洲既地理位置？冇？比個Hint 你啦用左個紅色箭咀指住左架揾唔揾到呀？係地圖既右上角呀！

呢個島真係好細，現時得返三個人係島上生活。命名係因為佢既形狀好似一隻半浮係水面既鴨子

島上可以揾到香港罕見既紅色角磯岩（沉積岩的一種），仲可以近距離欣賞到多種典型既海蝕地貌，如海蝕崖、海蝕平台、海蝕柱等等島上最著名既景點就係「鴨眼」

但係記住，幾靚都好，唔好係地質公園範圍內拎走啲貝殼同石頭呀，違者可被檢控架！

香港本地遊
蒲台島

蒲台島享有「香港南極」之美名，位於香港最南邊，坐擁湛藍南海美景，依家已經被列為香港法定古蹟！蒲台島亦都係香港著名品種「盧氏小樹蛙」既其中一個棲息地。🐸

蒲台島既地質以花崗岩為主，島上有多個著名景點，如：

i) 僧人石、靈龜石

ii)南角咀燈塔、淘金崖

呢個係香港兩個最南端的海角之一🔽

iii)佛手岩

「怪石之王」維妙維肖，令人深切感受到大自然既鬼斧神工😍

iv) 蒲台石刻

呢個係香港史前時期既石刻，估計已經有3000年既歷史架啦🤩

香港本地遊
東平洲

講完最南面既蒲台島，依家就黎睇下最東面既東平洲啦
佢係個由沉積岩組成既扁平小島，海蝕地貌變化萬千。
東平台係香港好出名既地質地貌寶庫，亦都被納入香港聯合國教科文組織世界地質公園的範圍。
快啲去欣賞下世界級既地貌啦

i)阿媽灣

頁岩受海浪侵蝕、岩石沿着裂縫風化、疊層石由藍綠藻化石堆砌而成，
變成左一個個似棋盤錯落係海岸上，真係好神奇

ii)斬頸洲

斬頸洲與主島之間的峽道因風化侵蝕而斷裂，形成左南北相通既天然走廊。
看似是巨斧斬斷的痕迹，故得其名。

香港擁有無數自然奇觀，大家不妨去郊外行下，睇下，由第二個角度去探索同發掘一個不一樣既香港！但記住去到咁靚既地方，唔好隨意破壞佢既自然環境呀❣️

【延伸閱讀】行山好去處 – 一彳一亍，又越過高山又越過谷
【延伸閱讀】大棠紅葉2018 – 嚴冬之下，元朗赤葉豔紅依舊

此文章純屬 Blogger 個人分享，並不代表本網誌立場。

想追返學校進度？Tutor Circle尋補有超過10,000個三大導師，即日幫你搵一個合適既導師！

想搵一個合適既私補老師

DSE讀得咁辛苦，想活用知識黎賺下外快？

想搵好多好多私補學生

緊貼尋補 Blog、Facebook 同 Instagram，尋補？Tutor Circle！

Z世代修辭手法 Ocamp
英文補習上莊中文補習議論文
 slp smaple 補習網數學補習
 大學五件事綜合格式