好多同學仔係考試嘅果段時間都會晚晚熬夜讀溫書，一直溫到半夜2、3點先訓，有啲甚至會溫天光，然後一早又要起身返學考試，成個禮拜夾夾埋埋都唔知有冇訓到十個鐘。同學們犧牲睡眠時間，換黎溫習更多嘅chapters，但咁樣唔訓教硬塞啲notes內容入腦，係咪真係對你嘅考試有幫助呢？Tutor Circle 尋補講下讀書既秘密武器。


唔夠訓，科學家會叫佢做「輕度前額葉機能障礙」，簡單啲黎講就好似你個腦飲醉左咁。係飲醉酒嘅情況之下溫書，記到幾多學到幾多我諗大家都有個概念。所以你唔訓用黎溫書，分分鐘仲衰過你溫唔晒但早啲去訓。究竟訓教有啲咩咁神奇嘅功效，訓個靚教都可以令到學習更加好呢？睡眠 – 令學習事半功倍的秘密武器

1. 睡眠幫助記憶

人嘅大腦係好勤力嘅，佢係你訓緊教嘅時候都唔會休息，反而會利用呢個時間進行修復，同埋對學生最重要嘅——記憶整理。人嘅記憶分為兩種，短期記憶(short-term memory)同長期記憶(long-term memory)，我地一般溫完書之後，背好左嘅內容有4成係20分鐘之後就會消失，經過左一日之後仲會忘記左7成tim！要將書本內容牢牢咁記住，就要將佢變成你嘅長期記憶，而要做呢樣野，就要大腦係你訓著之後幫你整理，所以一教訓醒唔係咩都唔記得，而係咩都記得晒先岩！

2. 訓夠先可以集中

睡眠不足會導致集中力下降，而且個人都會比較暴躁同敏感，有少少噪音或者好少嘅事都會比佢搞到好煩躁同埋focus唔到。大家通頂溫完書，坐低拎起枝筆嘅時候有冇試過對眼好似矇左，同埋睇極條題目都好似唔知佢講咩理解唔到咁呢？原因就係唔夠訓所以集中力不足，成個腦都function唔到，都唔好話運用番背左嘅野出黎，連題目都未睇得清，唔知佢問乜，比本書你望住都答唔到條題目啦，分分鐘就咁就浪費晒啲時間tim！訓唔夠個黑眼圈仲會出晒黎tim呀！

3. 黃金睡眠時間

90分鐘為一個睡眠嘅周期(cycle)，如果破壞左呢個cycle，睡眠質素就會大大下降，鞏固記憶嘅功能亦都會削減。而一般黎講訓教嘅時間唔可以太長亦唔可以太短，中學生最好訓8–10個鐘，成年之後就係7-9個鐘，所以中學生想提升記憶力同集中力，最好就訓夠9個鐘，而家18歲之後就訓7個半鐘到，咁就岩岩訓夠5-6個cycle。留意番每個人嘅cycle都有少少嘅差異，唔一定係足足90分鐘架～
 
所以話呢訓教真係好重要架，各位同學不如都係早啲開始你地嘅溫書計劃好過啦～尤其係要用到大量嘅腦容量嘅科目，好似數學咁，前一晚一定要早啲訓，養足精神先可以大腦高速運轉架！
 
延伸閱讀：
【訓唔著】失眠點算好？10個簡單有效失眠解決方法

尋補？Tutor Circle！

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

小雲

活得像天上的雲一樣，無目的，無方向。快樂時和太陽玩耍，難過時讓整個世界陪我哭泣。

留言