【學跳舞】學跳舞基礎｜舞動奇蹟手腳唔協調都可以試下學跳舞？

Post author:Smallpotato
Post category:小編分享
Post published:2018-12-17
Post last modified:2018-12-17

聽開KPop 或者 JPop 既你，係咪覺得佢地跳舞好勁呢？或者成日見到人地表演，有冇諗過其實你都得？Tutor Circle尋補話你知手腳唔協調都可以學跳舞？唔通真係會舞動奇蹟？
學跳舞基礎

跳舞係咪一定要細細個開始學先會跳得好？

雖然練舞既最好時機的而且確係越小越好，因為小朋友既柔軟度和吸引能力會比較好。但係如果你對舞蹈真係好有熱誠既話，其實年齡唔會係一個問題！以知名紐約市芭蕾舞團American Ballet Theatre首位黑人首席芭蕾舞者Misty Copeland為例，佢13歲先首次接觸芭蕾舞，雖然佢比一般舞者較遲起步，但求知慾強既佢每日辛勤練習，只需三個月就學識以腳尖站立（一般人用三年時間才學懂）
可見年齡唔係一個問題！柔軟度唔夠，就拉多啲筋；唔識跳既，就練多幾次，持續咁做，就會慢慢跳得越多越好架啦！
學跳舞基礎

學跳舞

手腳唔協調係咪就學唔到跳舞？

面對手腳唔協調，我地唔好怕，更應該反其道而行之，就係因為手腳唔協調，我地更加要去學跳舞，令自己變得協調。
學跳舞基礎
協調性係包含左敏捷、穩定、平衡、控制等所有運動能力既綜合表現跳舞除左可以訓練到體能，仲可以練埋核心肌羣，因為唔同Steps會運用到唔到既肌肉，所以跳完一隻舞，你可能會用盡你成身既肌肉架啦跳得多練得多，你既肌肉線條就會出曬黎😍肌力提升，穩定性、平衡性、控制性亦會相對地提升。

學跳舞仲有啲咩要注意？

跳舞係一種運動，所以係跳舞之前一定要做好熱身！除左平日做開既熱身動作，如果你跳既舞須要柔軟度既話，就一定要做埋啲伸展動作同埋拉筋(Eg. 一字馬，開跨等等）咁先可以防止自己會拉親同埋受傷！
而且，初學跳舞，我地要識得唔好去介意人地既睇法！初學跳舞，我地未必可以張個動作或者舞步發揮得淋漓盡致，如果好介意人地對我地既睇法，咁我地就好容易會因此而卻步

【延伸閱讀】自學結他有咩好方法？教你四大途徑！
【延伸閱讀】小提琴初學者 – 難學難精初學者應如何學起？

此文章純屬 Blogger 個人分享，並不代表本網誌立場。