【私補經歷】學生學習程度同實際年級有天淵之別點算好？

Post author:尋補Blog讀者
Post category:讀者投稿
Post published:2021-04-21
Post last modified:2021-04-21

唔知有私補經驗既朋友們有冇幫過一個學習程度同實際年級有天淵之別既小學生?冇錯!呢位
就係我喇!

今個月頭我收到有學生揀中我同佢私補既信息之後,我查過佢既背景,今年讀五年級既佢,英文程度只有小一,發音不準既問題都唔例外,於是,我決定接收佢,成為佢既英文拼音導師。第一堂上門同佢補習,我提供左英文拼音表俾佢。首先第一步,我當然會問佢啲簡單既字點讀。不過可惜,佢都有好多低年級學過既字都唔識讀,最終係家長既話中得悉,原來呢位學生已經有專注力不足同埋學習障礙既問題。於是,我就決定教佢由低學起,先教頭三個包含每三隻英文字既拼音,然後頭嗰九隻字一齊讀多次,再問番佢點讀,讀錯、唔識或者唔記得既字就會叫佢間低佢,幫佢糾正番,如此類推……
每星期落堂前,我都會叫佢做功課,就係上網查劍橋英文字典寫低每堂學過既字既讀音,下次上堂前會問番佢。到左而家第三堂,學生終於係拼音上有明顯既進步,連發音同咬字都有些改善,我表示好感動可以成功教識呢類學生。希望佢會繼續進步,佢付出最大既努力係唔會白費既!其實幫呢類既學生唔一定冇辦法,有合適既教導方式自然就會容易推動學生前進,由零到四十五分,再到九十分,再接近滿分都唔係萬萬不能。
投稿讀者：etta brittany

你都有故事／溫書貼士／學校搞笑嘢想分享？💬 立即按圖投稿啦！