Sem尾

【Sem尾】又要趕Deadline?3招應付end-sem考試、Assignment

studentconversion
tutor registration

今個sem已接近尾聲,之後就要開始考試喇!本身完sem前就要返學考試,不過因為疫情關係,有唔少大專既考試都會改為end-semester assignment/assessment, 係有限時間內完成,期間一定可以open book。
但係依然都有學生遇到一啲困難,就係即使有一個星期時間做,可能因為唔係太識果啲題目問咩同埋點做,白白浪費左一星期既時間,拖到最尾先臨急抱佛腳。有同樣經歷既小編終於都有一啲辦法解決佢,不如同大家分享一下三項我點樣令自己係一星期內搞掂哂每一科end-semester
assignment啦!

Sem尾
點樣令自己喺一星期內搞掂哂每一科end-semester assignment?(網上圖片


1. 提早開始

Sem尾
寧願喺release第一日就開始做,畀自己更多同足夠嘅時間諗outline同搵notes/sources(網上圖片

每位同學收到任何course係關於出end semester assignment既details之後,就會知道佢幾時係學習平台(例如:moodle) release、作答時限deadline等等。既然咁擔心自己唔夠時間完成,大家寧願係release第一日就開始做,至少可以先諗下題目點做,俾自己更多同足夠既時間諗outline同搵notes/sources, 好處係越早開始越早完成,提升效率,絕對可以節省做assignment既時間。就算大家可能都要係課外時間返pt,其實時間要分配得好好先重要!所以唔好再因為任何藉口而拖到deadline前一晚先做喇。

2. 作答前作準備

大家可能因為end semester assignment代替左考試就覺得,既然係咁,不如臨做先摷notes/powerpoint去搵答案啦,反正唔使花時間溫書。同學們,你咁樣就出左事喇,邊個話唔使考試就完全唔使溫書?除非你係天才,單靠上堂聽一次書就明哂既話,唔溫書都可以識答問題係冇問題㗎。相反,你唔係完全清楚成個題材,又唔係好有記性同埋好醒目,你連半頁notes都冇睇過,臨做assignment先搵咪仲嘥好多時間?
如果你唔想花太多時間係assignment上,除左剛才提過要提早開始之外,你地都係一定要作好準備,就係要溫書。溫書可以令你對每課內容有返啲印象,仲要理解啲內容既意思大概係點,對你答題先有幫助。不論你每日溫幾多溫幾耐都好,你只要有溫書,掌握到內容,你係可以識答。溫得熟,自然唔使花太多時間去答題。

Sem尾
邊個話唔使考試就完全唔使溫書?除非你係天才!(網上圖片



3. 要先歸納每課內容

當你溫書既時候,覺得notes裡面有好多內容可以直接用係答assignment既題目,反而要照寫落去既野實在太多太長,好容易瓦哂答題既位就唔太好啦。既然notes內容咁好用,不於將「長篇大論」既內容歸納(paraphrase/rephrase),縮短成較短句既答案。視乎題目既佔分幾多,如果佔分唔多既其實唔需要寫咁多廢話咁耐既,用自己歸納或改寫過既字句去答題,好似撮寫段落大意咁,最緊要同原文意思好接近,到時就能足以答到題目,簡直好過續(逐)句抄,甚至direct copy成段野落去。

Sem尾
撮寫段落大意足以答到題目,簡直好過逐句抄(網上圖片

以上都係小編自己做end semester assignment前既技巧,希望都可以幫到大家。不過有冇效就要睇自己合唔合適喇。
 
投稿讀者:etta brittany
讀者自我介紹:大家好, 我係Etta, 00年學生, 係土生土長既香港人, 同時擁有韓國及葡萄牙血統, 大家多多指教!

你都有故事/溫書貼士/學校搞笑嘢想分享?💬  立即按圖投稿啦!
讀者投稿

延伸閱讀:
【大學生活】理想中既hall life與現實宿舍生活 
【Ocamp】一個大學新鮮人說的大學生活二三事(菲亞)
【開sem】每年sem one你總會見到嘅5種人
【大學五件事】甚麼是「大學五件事」?每個大學生都必做?
【見工面試】自我介紹最易出錯?8大面試禁忌逐個捉

*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Circle 尋補 對信息或內容所招至的損失或損害,不會承擔任何責任。


尋補?Tutor Circle!

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言