【韓國深度遊】釜山文化之旅，遊歷時沒有留意的濟州

Post author:城大小薯仔
Post category:小編分享
Post published:2018-11-13
Post last modified:2018-11-13

香港人去旅行通常都貪方便，去啲最多人去嘅地方，行程直接上網搵。但係而家潮流興講深度游！深度遊姐係話要遊歷多啲社會、文化、歷史一啲比較有深度既資訊。Tutor Circle尋補今次就同你地講下韓國釜山同埋濟州，講下裡面嘅深度景點同文化啦，希望可以幫你建立到一次更有意義既深度遊旅程。

個個去韓國，都係話去首爾瘋狂shopping，買化妝品買衫買零食，其實呢，韓國都可以有另一面俾大家欣賞下嘅，如果你有去過釜山同濟洲就知架啦:！

1.瘋狂食海鮮

你以為去到韓國淨係食泡菜、韓牛、人參雞？No No No 由於釜山同濟州都係沿海城市 (小編發覺寫左幾篇都係沿海城市)，去到個到真係食咩都有海鮮，韓式燒肉變成韓式燒海鮮；泡菜豆腐鍋變成泡菜海鮮鍋；肉碎炸醬麵變成海鮮炸醬麵，去嘅時候假會發覺，周街嘅餐廳都會有個水箱係出面賣海鮮，裡面住左好多蜆仔、長腳蟹仔、蝦仔，然後貼住四隻中文大字：海鮮套餐，會令你好有衝動消滅晒佢地！對於鍾意食海鮮嘅朋友真係天堂啊嗚嗚！
釜山景點 2018

去旅行除左鐘意飲飲食食，景觀都好重要，我相信巴黎就一定滿足到你地！

想知多啲巴黎景點

2.海女文化

海女，顧名思義就係靠海維生嘅女性~韓國嘅海女就專係捉各種唔同海底生物為主嘅，分分鐘你地食到嘅紫菜、鮑魚、八爪魚都係佢地捉上黎架，有時係濟州行到去海岸邊，都會見到有海女潛上又潛落！不過隨住可以靠機器取代人手去捕漁穫，加上呢份工太辛苦同危險，無人願意再做，呢個只會係沿海城市出現嘅職業慢慢被淘汰。。當中仲做緊呢份工嘅女性，好多都已經係60歲以上啦～
韓國社會由古至今都係父權當道，唯獨係濟州，過往有好多男性因戰亂而死，而且火山地唔適宜做農地耕種，變相落海工作嘅海女就變成左家庭嘅經濟支柱，象徵住當時女性嘅崛起！就係種種嘅歷史因素，同埋佢地嘅高超，唔需要任何潛水工具就可以潛到水嘅技術，令佢地得以列為聯合國非物質文化遺產之一。政府都好努力保育呢種文化，會資助僅餘海女嘅工作，又設立左海女博物館，大家去玩嘅同時，都可以了解下呢種文化！

去旅行簽證都好重要，一個唔覺意搞唔掂張簽證，分分鐘連機票酒店都浪費埋！去台灣唔記得整入台證點算？越南簽證又點整？

想知台灣落地簽證點整想知點整越南簽證

3.純樸風情

唔知大家去首爾玩嘅時候，唔知有無發覺所有人都好「都市化」，同香港人好似嘅，無時無刻都拎住個電話啦，不論男女都化行晒妝啦，做咩事都要又急又快咁。
不過去到釜山同濟洲又係另一回事。其實個人覺得佢地都算係旅遊熱點，不過就無好似首爾個種急速發展嘅感覺，當地人似乎好enjoy平平靜靜嘅生活，安守本份做下小生意，好多人都係街邊賣下海產、生果同小玩具又一日。講住自己由細講到大嘅方言，無因為話要迎合遊客，就間間鋪頭都企個識講中英文嘅人R你入去咁 (勁熱門景點除外啦下)大家都仲係好純樸，令你感受到佢地切實嘅韓國生活原來係咁。你地有機會去當地旅行都可以留意下有無見到呢個分別啊！

【延伸閱讀】那些年的畢業旅行 – 巴黎四大必去景點
【延伸閱讀】旅行的意義悠遊澳洲
【延伸閱讀】南非畢業旅行 – 大學畢業，青春也畢業了，去哪兒？

此文章純屬 Blogger 個人分享，並不代表本網誌立場。

想追返學校進度？Tutor Circle尋補有超過10,000個三大導師，即日幫你搵一個合適既導師！

想搵一個合適既私補老師

DSE讀得咁辛苦，想活用知識黎賺下外快？

想搵好多好多私補學生

緊貼尋補 Blog、Facebook 同 Instagram，尋補？Tutor Circle！

Z世代修辭手法 Ocamp
英文補習上莊中文補習議論文
 slp smaple 補習網數學補習
 大學五件事綜合格式