Hotel Man 出路

【Hotel Man出路】2大迷思 (*登記免費拎取CV Template)

studentconversion
tutor registration

好多人都想知Hotel Man 出路同grad左可以做咩,睇落好似好型,但又怕好睇唔好食,第時要乞食。趁住又到擺JUPAS既季節,今次尋補Tutor Circle就同大家講下關於Hotel Man經常比人問完又問既2大迷思啦!


想知怎樣把學歷同工作經驗要點寫到履歷表CV上?

立即登記就可以免費拎取Civil Engineer/Account/Teacher職業CV Template



 

✨包含3份不同工種的CV Template


Copyright © 2023 Tutor Circle 尋補. All rights reserved. 此文章未經許可,不得轉載。
Copyright © 2023 Tutor Circle 尋補. All rights reserved. 此文章未經許可,不得轉載。

✨學歷、工作內容為你編寫,度身訂做

✨Word檔編輯,輕鬆Edit

 

登記免費拎取


 

1. Hotel Man讀啲咩?點解要讀?

Hotel Man 出路

商科基礎

以中大同理大既課程黎講呢,都會牽同樣涉到好多關於商科既野,例如Management、Business、Marketing、Finance、Accounting既野等等,但同BBA唔同既地方就係,Hotel Man唔會深入去讀某一個領域既商業理論,所以讀完Hotel Man就會有基礎商業知識去make decision;
 
系統思維
咁讀Hotel Man最重要既緊係讀酒店野啦,而正正就係呢樣野可以幫到Hotel Man比其他商科建立到另一套思維,酒店入面有好多Department,禮賓部、Housekeeping去到餐飲部、宴會部都係架構一間酒店既重要元素,而Hotel Man既學生就可以透過了解不同部門同部門間既合作,甚或是專精某一個部門,用酒店作切入點去睇一個系統運作既模式,因為酒店呢一個咁大既系統本身就係一舊好值得study既機構!學完Hotel Man既同學除左得到專門既酒店內部運作既知識,日後可以係Hotel/Tourism相關行業工作,仲可以建立系統思維,係管理同機構協調上有一套另類思維,呢套「酒店管理思維」,就係幫助Hotel Man學生日後行走江湖既利器!
 

Soft skills

同商科一樣,HM都係比較著重培訓soft skills,例如present技巧、social技巧、禮儀、心態、觸覺等,係對HM學生前路極為重要,專業知識當然重要,但軟實力就好似練武時既內功咁,內功好既話,練任何功夫都快,更加得到僱主重用。
 
 

2.Hotel Man第時做啲咩?

Hotel工種

Hotel Man 出路
比起BBA既學生,Hotel Man係酒店既優勢就相當明顯,無論係酒店實際操作,或者係思維上,相信HM同學都能比其他所有Major既人都更能駕輕就熟!酒店既部門包括行政部、禮賓部、客務部、公關部、marketing、HR、Housekeeping、宴會部、餐飲部、會計部、工程部、保安部等,呢啲就係你將來可以發展既領域,而且隨著大陸不斷發展旅遊業,相信唔少HM同學都能夠把握機遇,北上闖一闖。
 

商業機構

Hotel Man 出路
掌握基礎商業理論,比起非business major既同學更有business sense,比起business major既同學,當然唔夠佢地世故,但酒管出身既你最重要有一套「系統思考模式」,將你係酒店身上學到既用回饋返比你公司,就係你既價值,唔好比酒店呢樣野限制你既想法,將「酒店管理思維」融入到大小機構去應用,相信你亦會成為商界既一顆明日之星。資料顯示,中大酒管都有畢業生係MTR、海洋公園、新世界發展呢類公司做。
 

Banking and Finance

Hotel Man 出路
銀行同金融機構其實並唔會因為你唔係讀business concentration而當HM次級選擇,反而係Hotel Man訓練出黎既Soft skills,例如交際技巧、present技巧、problem-solving skills…係你可以係商業世界同其他人匹敵既地方,更重要係,你對架構複雜既大型機構既系統模式有一套深入既見解,對於係呢類型大型機構做野非常有幫助,管理工作一樣無所畏懼,而中大酒管都有畢業生係大摩、彭博、UBS、IBM呢類金融機構做。
 

政府工

Hotel Man 出路
AO、EO呢類既工作並唔會話好睇重你係邊個major,唔洗一定要讀政策野,因為政府內部都需要唔同思維既人才,而讀HM就正正提供到一個新思維既價值,只要你思路清晰,談吐又得,寫得一手好英文,相信AO對你黎講都唔係咩難題,唔講AO,政府有咁多個部門,總會搵到你既容身之處,而中大酒管網站顯示,有畢業生係民航處、貿發局到做。
 

總結

Hotel Man 出路
講到尾,Hotel Man比到你既野最重要就係一套「酒店管理思維」,同埋一大堆soft skills,而你將來既前途,其實好大程度上都要靠畢業後出社會學同實踐,所以千祈唔好比你大學既major限制左你既事業同夢想,Hotel Man好似讀既野廣而不精,唔做酒店就冇競爭力,但其實你畢業都只係廿幾歲人,仲有幾十年要精,點解要咁急呢?大學生出到社會都係fresh man,好多野都要重新學,比啲耐性從低做起,接受其他意見,花時間吸收多啲唔同層面既事,揀到屬於自己既範疇,保持一份良好既態度,將來成功就係屬於你。
 
【延伸閱讀】BBA出路 – 讀工商管理出到黎都未必做金融才俊
【延伸閱讀】Science 出路 – 水泡科一定前路茫茫?
 
此文章純屬 Blogger 個人分享,並不代表本網誌立場。

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

 

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle
 
Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

 

*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Circle 尋補 對信息或內容所招至的損失或損害,不會承擔任何責任。


尋補?Tutor Circle!

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言