【DSE不幸事件】考試期間生水痘點算好？老師：唔考好過考！

Post author:尋補Blog讀者
Post category:讀者投稿
Post published:2021-06-04
Post last modified:2021-06-04

Hi,everyone! 我終於脫離到DSE 嘅苦海，都脫離到生水痘嘅苦海。
無錯，我考DSE期間生咗水痘……
「我們是被時代選中的孩子」的確在疫情間應考實屬不易，更何況「我是被疾病選中的孩子」拖着乏力嘅身軀更唔容易，因為我唔知幾時又考到試⋯⋯

「到底做人有咩意義呢？」我響期間不斷反思呢個問題，考試，做野，賺錢？無錯，呢啲都好重要，但係唔係人生嘅全部。因為計劃永遠趕不上變化，就以我出水痘為例子，都無諗到健康嘅真正重要性，常人道：「保重身體」，耳熟能詳嘅祝頌語原來真係咁珍貴。是的，那怕你之前搏盡無悔都好，一個大病就可以扼殺所有心機，化為烏有。所以我當時極度失望，形成我人生中嘅大遺憾，幸好有呈分機制，甚至老師話我唔考好過考！是的，人生沒有很多嘅最後一次，無人知道下次幾時，甚至唔知有冇下次，尤其我今次都估唔到，呢個「不幸」竟然響我身上發生。我只可以講盡自己本分吧，珍惜每次嘅挑戰，例如考試，化為逆轉嘅機會。的確而家嘅我改變咗心態，無咁討厭考試了，而且我會好好接受命運嘅考驗，勇敢走出去，讓自己無憾便知足了。
也許我要面對更多人生風浪，可能要經歷比出水痘更坎坷嘅時候。但願沒有人為我鼓掌也好，我亦能咬緊牙關地走過每一個窄路。
投稿讀者：岳晴

你都有故事／溫書貼士／學校搞笑嘢想分享？💬 立即按圖投稿啦！