【中一數學】給教導小朋友的家長3個建議！內附免費中一數學練習

升中啦，會唔會好擔心小朋友唔適應中學既生活呢？相信最擔心既，都係學業既問題，隨著愈黎愈多唔同既科目，中史、通識、科學、西史等等，學生既學習壓力慢慢愈黎愈大，我地應該點樣做去為小朋友既中學生活做好準備呢？今次我地就會同大家分享中一數學先，遲啲有機會再同大家分享其他科，Tutor Circle 尋補 希望大家都能夠學會點樣支援小朋友，創造一個舒適又良好既學習環境。

1. 課外學習，避免過份操練

第一，好多家長都會幫小朋友四出搜尋練習比自己小朋友做，諗住只要操得夠多、夠熟、夠快，咁上到中學就肯定領先其他小朋友既學習進度，但係咁樣諗就大錯特錯！因為大量既操練會令小朋友產生抗拒，我明有啲野係要迫小朋友佢做，因為佢地未夠成熟去真正對自己好既決定，但瘋狂既操數久而久之會係佢地既腦海植入左連結，將數學連結左做痛苦，即使佢呢一刻成績唔錯，但佢已經失去左自願學習既動力，因為每當提起數學，佢就完全提唔起勁，如果你既小朋友有類似情況，請你立刻停止一切既操練，呢個係好危險既象徵，長遠佢地唔單止會對數學失去興趣，仲會對讀書失去興趣！
我建議應該買一啲內容比較故事性、數學相關既影片同手機遊戲等，甚至將一啲數學概念融入生活例子，都係將有關概念輸送比小朋友，嘗試令佢地提高返對數學既興趣，起碼減少左一聽見數學就隨之而來既痛苦。
延伸閱讀：【數學補習】2021中小數學補習推介+DSE自學大法

2. 有目標、有指示地操練，控制好要操既份量

第二，操練同過份操練係兩回事，要學習得好，實踐係非常重要，但中學既數學要應用係生活既例子又有幾多呀，所以如果想將學過既數學概念融匯貫通既話，適當地練習係必需，但係並唔可以盲目操練，以為做100本就有100分，而係需要有方向、有效率去做，但如果我地對中學既數學課程唔係咁熟悉既話，又真係好難知道應該要點樣去設定練習既，我相信大家都會需要專業啲、至少對數學課程有認識既人提供意見，我認為第一步就可以同學校既數學老師討論下需唔需要額外既練習，同埋有冇啲咩練習題目推介，比小朋友操練，如果佢地識應用既話，就會愈黎愈有滿足感，愈做愈快愈有信心，更加有心機去學，咁成績就自然好；但唔識既話都唔洗咁灰心，可以叫小朋友返去問下老師既。
延伸閱讀：【小學數學】一理通馬國明？小學數學點先識做？
延伸閱讀：【數學奧林匹克在香港】奧數課程

3. 搵有能力既人幫手，唔好自己攬晒上身

第三，一個學校老師，閒閒地每日教百幾個學生，記得晒佢地個名已經好好，仲點要求佢可以清楚知道每個人既學習能力同困難呀，而且老師同學生比較有距離感，小朋友未必敢事事問個明白，但如果家長自己又唔識，咁點算好？私補正正就解決到呢啲問題，請一個私補老師，每日剩係對住小朋友一個，完全根據晒小朋友既學習能力去設計每次要教既內容同進度，等小朋友能夠學習得收放自如，先會對學習有返信心，而且上門補習又可以等家長係屋企睇住小朋友，唔怕佢出去危險同比其他人影響，而且時間比較自由，可以同私補導師慢慢傾，當然私補價錢會貴少少，但為左小朋友既學習，價錢算得係啲咩。

免費搵一個數學補習導師 ✅

有時候，導師有自己既一啲學習經驗可以分享比學生，係小朋友成長既明燈，建立緊密既師生關係，向大學生導師取經，都係難得既經驗，但前提係一定揀到適合、有質素既導師而點樣揀到合適既導師，下面既網站可能會幫到你。