【外籍老師教英文】一文睇哂你小朋友適唔適合外籍老師教英文！五大選外籍導師既標準！

相信好多家長都希望趁小朋友細細個，幫佢地執好啲英文，最好就學到native既英文、純正既accent，咁樣就可以鋪好條後路，第時interview、出國讀書、考IELTS（IELTS心得）等等都有幫助，而請外籍老師上門返黎教就自自然係一個幾好既選擇，只不過，唔係任何情況小朋友都需要架喎，以下尋補Tutor Circle尋補就歸納左幾樣重點，希望幫到一班為子心切既爸媽！

價錢不菲

首先，相信好多家長都會唔會介意呢一樣野，始終仔女既前途同未來先至係最重要，只要比得有價值就得。請外籍老師教英文既時薪大約係400到700都有，一啲外國黎既專業英文導師會再貴啲，雖然貴，但始終一分錢一分貨，貪平可能會令導師質素唔夠，結果成效不彰，但太貴既話又要考慮下值唔值得，始終都係自己既血汗錢黎既。

私人補習價錢2021

想了解更多私人補習價錢問題都可以按進去參考一下。

授課內容，未必能針對校內考核

另外，外籍老師通常都唔會太過熟悉本地既教學課程，始終大家教育制度既背景都唔同，所以如果家長想幫到小朋友係考試「即食」攞到高分，外籍老師未必係一個好好既選項；不過都有外籍老師係本地既學校教過，佢地就會清楚學校既考核，會提供針對學校課程既教材去學，咁就可以同時提高小朋友基本英文水平同埋應付學校考試！
圖片來源
外籍老師上門

外籍導師優勢

再者，但如果你既目標唔係考試為主，而係想提升返小朋友英文既溝通能力、語感同聆聽速度等，就會好有幫助，冇本地背景既外籍導師上門教可以將外國個一套帶比你既小朋友，相比起本地比較僵硬、過份著重Grammar既英文，小朋友會學到更多外國小朋友身試見到既野，例如創意、creative writing、英文思維、西方價值觀同視野等等，令到小朋友身處香港都好似接受緊西方教育咁。

長遠見成效，回報期較長

除此之外，外籍導師唔可以即時就幫小朋友既成績衝上去，亦都冇可能短時間令小朋友英文講到好流利，因為語感呢樣野本身就需要時間去培養，要經過一段時間不斷浸係英語既環境，先至可以令小朋友既習慣左個個模式，不斷有機會去講多啲、聽多啲、寫多啲，小朋友自然就會慢慢係各方面有提升，甚至突然間拋離左一班同學，但呢樣係需要時間，同時亦都需要一個好既外籍導師先可以做到一個好既效果。
圖片來源

選外籍導師既標準（一）：經驗

第一，經驗絕對係優先考慮，了解下導師以前既工作背景，有冇專職教過英文，對住小朋友可唔可以駕輕就熟等等，有經驗既話教學既質量高，小朋友進步得自然快，但當然越有經驗既導師收費亦會愈貴，一分錢一分貨，有經驗又有質量既導師唔係咁容易搵。

選外籍導師既標準（二）：口音、背景

第二，此外亦都可以留意老師既背景，來自邊個國家，土生土長既生活環境，接受點樣既教育制度，英文既口音係邊個地區，對英文教育既睇法同埋一啲價值觀既交流，確保你想小朋友學到特別啲既野，呢層就需要家長同導師去interview，問清楚係唔係適合你既小朋友，唔岩就唔好浪費大家時間。

選外籍導師既標準（三）：同小朋友夾唔夾

第三，呢樣需要視乎小朋友既性格，所有既野都係人夾人，大家最好約出黎一次，睇下老師同小朋友相唔相處到，大家溝唔溝通到，了解下導師既性格，如果小朋友內向啲既，睇下導師有冇辦法令佢講多啲英文，帶動成個學習氣氛，都好有幫助。

選外籍導師既標準（四）：時間夾唔夾到

第四，有部份既導師其實只係短暫來港過渡，未必可以長時間幫小朋友補，呢樣亦要注意，因為培養英文水平係長時間既投資，你都唔想成日換老師搞到小朋友無所適從架？另外亦都要睇返老師既正職係咩，時間難唔難就，大家生活可能比較忙，有時要成日改堂改時間，如果老師正職太忙就未必可以靈活地補堂，有機會影響學習進度。

選外籍導師既標準（五）：中介

最後、搵得中介幫手搵外籍老師上門，都係想幫小朋友搵到個有質素又教到野既導師姐，而你搵既中介就好重要，佢會唔會求其幫你搵、可唔可以跟足你既個人要求同標準去揀、大家溝通得好唔好，呢啲都係非常重要既因素，如果唔係到時有咩問題都追索無門就慘。

延伸閱讀：私人補習價錢 – 點先搵到合適既私補價錢
延伸閱讀：補習社定私補好？中學小學搵補習攻略
延伸閲讀：【聖保羅男女中學St. Paul’s Co-educational College】2020升中要有家底先讀到？

家長們，需要為子女提供練習？已為下學年升中的小朋友籌算？想取得最新職場資訊、掌握職場英語、CV 範本、面試技巧？自己/朋友正在找兼職/實習？立即Follow尋補 LinkedIn，領取優惠及參考職位空缺詳情！

Follow後按下方按鈕，更可免費獲得2020-2021升中派位指南及小一至小三英文練習！

立即取得升中派位指南
立即取得免費英文練習

總結

總括而言，希望大家對外籍老師上門教英文加深左認識，幫小朋友搵一個好既導師可能對我佢既發展影響深遠，而各位家長都係最重視小朋友既未來，希望黎緊可以係Tutor Circle尋補既Blog同大家分享更多資訊，敬請期待！
當然好多家長都覺得細細個，自己都可以培養小朋友嘅讀書興趣嘅，都無可否認嘅！但係係唔係每一個家長都有時間精力培養小朋友呢？不妨請一個全科家教幫你係課外時間輔導小朋友啦！
延伸閱讀：【學英文方法】英文讀極都唔掂？4個方向助你學好英文！
延伸閱讀：【英文補習】補習社定私補好？中學小學搵補習攻略

*此文章純屬 Blogger 個人分享，並不代表本網誌立場。