【小一派位填表】必睇MIRROR版小學排位簡易攻略！鏡粉媽媽一讀就明！

「小一派位潮文」可能各位爸爸媽媽都看過，早前網上就流傳「Mirror版的小一統一派位」填表攻略，以Mirror成員姜濤、Anson lo及lan比喻熱門小學，而Error或其他組合則比喻為直資私校，方便各位家長容易理解小一派位填表的策略。Tutor Circle 尋補小編更在文末整合了一個圖表，讓家長更易明白！

小一統一派位 填表簡易策略 （MIRROR版）

2021年Mirror版小一統一派位舉例

舉個例；如你甲一填姜濤，甲二填Anson lo ，甲三填lan；乙部一、二、三也一樣。
程序會先抽甲一，若唔中姜B，就會抽甲二，若你抽中anson lo ，恭喜你，甲三、乙一、乙二、乙三都不會再抽了，你會得到anson lo。因此，如你很喜歡姜b，你應在甲一填姜b，甲二和甲三留空，乙一再填姜b，乙二填Anson ，乙三填lan ，咁你就可以maximize抽中姜b的機會了。

或者我再舉一例。
全球任何明星都有粉絲會，而我們只可加入其中一個粉絲會做會員，我們要先知道幾個遊戲規則：
第一，每個會有50%可供統一派位；
第二，當中5%是甲部（全世界可跨區抽），和45%是乙部（只供同區抽），所以乙部名額是甲部的9倍；
第三，抽獎順序是甲1>甲2>甲3>乙1>乙2>乙3>乙4……>乙30；
第四，抽獎跟以上順序，一抽中就停，假如你甲2抽中，甲3至乙30都唔會再抽
第五，甲部雖可填任何區，但如別區冇明星你鍾意，也可填本區。而家解釋範例：
我鍾意Edan >姜b>林家謙>黃德斌>Frankie >Anson Lo>lan，我會填：
甲1(Edan)甲2(姜b)甲3(留空)
乙1(姜b)乙2(Anson Lo)乙3(lan)﹒﹒﹒﹒乙29(周柏豪)乙30(曹永廉)

問題1：我點解甲3留空？做乜唔填林家謙？
答：因我愛姜b>林家謙，如我在甲3抽中林家謙，咁我咪等於放棄乙1抽姜b個45%Quota? 所以我情願甲3留空，都要抽姜b。
問題2：點解乙2唔填黃德斌？而填Anson Lo？
答：假設黃德斌與姜b 是同level大熱，乙一必然45%全被抽光，乙二仲抽是呃自己，只會浪費機會，所以我填次Anson Lo。
問題3：做乜要填滿乙部三十個？冇心水可否留空？
答：唔應該，因甲部留空，電腦會Skip，但乙部留空，電腦會亂抽，所要乙部要盡填，起碼填d唔討厭的，否則，可能會派153俾你。

MIRROR學歷 — 姜濤曾就讀愛群道浸信會呂郭碧鳳幼稚園、軒尼詩道官立小學 (銅鑼灣)，以及鄧肇堅維多利亞官立中學。（ig @keung_show）

P.S 有家長分享最好甲一之後留空左佢之後直接乙一
祝各媽媽自行入姜b 或叩B 成功
仍有家長，建議乙部填法
乙部順序填姜B、教主、Ian等同自殺式填表
乙一) 姜B, 教主, Ian,
乙二) Edan, Jer, AK
乙三) Jeremy, Tiger, Lokman
留意乙部需要跟住宅地址當區填寫
除咗小一統一派位，大家亦可以去選擇 Error或其他組合 (直資私校）