疫情關係，很多學校都公佈會以數分鐘的影片形式取代傳統叩門面見。悠的心儀小學都是一樣，之前準備的唯有盡力在影片上充份表達吧!

我們都是被上天選中的家長，今年真係十八般武藝都出齊，今次玩到拍片，其實坊間有很多簡單又易用的拍片apps，等我又弱弱地分享一下以下幾款都足夠應付叩門面試用

1) 小影VivaVideo

支援Android & IOS系統，大媽我平時就係用呢個apps去處理影片，簡單好用易上手，能剪片、多部影片合併、添加背景音樂、加入字幕、調整影片速度、製作各種特效等功能，要搞掂面試影片，呢個apps絕對夠用有餘。

2) 樂秀VideoShow

支援Android & IOS系統，可於影片內加入塗鴉，改變框架大小、旋轉、馬賽克、配音、剪接、速度調整、壓縮、加入音樂等工具，全能的影片apps，不過如果無比錢用就會有個浮水印，但我諗學校都唔會介意卦。

3) MovieEditor

只支援Android系統，有主題template，能快速製作photo slide show，亦可剪片，調整影片速度，加錄音旁白，特殊音效，倒轉影片等各項功能，呢款係可以免費高清匯出而無浮水印。

4) Filmigo

支援Android & IOS系統，可於影片內加入塗鴉、貼紙、改變框架大小、旋轉、馬賽克、配音、剪接、速度調整、壓縮、加入音樂等工具，有提供Template快速製作MV，同樣可高清匯出無浮水印影片（只限Android系統），呢款操作上相對會比較簡單，適合新手使用。

5) InShot

支援Android&iOS系統，添加影片及照片到素材中，可以分割及合併多段影片、旋轉、修改尺寸、模糊化，內建音樂非常豐富，還可以添加自己的錄音旁白，免費去除浮水印。

其實以上幾個apps都已經足夠應付叩門大作戰，大家可以download定睇下邊個最啱用。