小朋友幾歲開始學音樂

【培養興趣】🎶 小朋友幾歲開始學音樂係最好?

  • Post author:
  • Post category:親子專欄
  • Post published:2021-12-17
  • Post last modified:2021-12-17
studentconversion
tutor registration

呢個問題相信都係家長之間經常討論的,好多研究話音樂愈細接觸會愈好,甚至阿B未出世準媽媽們已經不停聽音樂話胎教,jo媽被問得最多係小朋友幾大可以學琴🎹?jo媽做了音樂教育十多年都有少少心得同大家分享一下🥰

首先有樣野想大家分清楚,學音樂和學樂器係兩回事,如果大家係講緊接觸音樂,真係一出世就可以了,聽音樂幫助寶寶腦部發展好處多就大家都知道,當jo媽有左小jasmine時日日番工,她每日要聽好多個鐘鋼琴聲,每一聽到都瘋狂在踢😂出世後第一次聽爸爸彈琴表現相當興奮!而家小jasmine 每日都會聽好幾個鐘音樂,有時英文兒歌,有時jo媽彈古典音樂,小jasmine對聲音反應都好好,聆聽熟悉的音樂會大笑表現雀躍!😆



香港人都成日講要贏在起跑線,jo媽又做一個試驗,小jasmine而家七個多月大,有無可能學會一種樂器?jo媽抱小jasmine 係鋼琴前,彈首簡單的瑪麗有隻小綿羊,她滿有興趣,會雙手係鋼琴到亂拍,要教會她彈應該無咩可能😂過幾日拎了一套handbell,打了首聖誕歌,她表現好奇滿有興趣,但努力左一輪佢都未有拍打handbell的舉動,只係成個拎起來,放入口食😅不過好colourful佢滿喜歡的樣子😆


真心七個多月剛學會坐的呀b係無咩可能學會一種樂器,家長們也不用太心急😂但可以每日播歌,現階段其實可以訓練節奏感和音樂感,俾不同敲擊樂器呀b接觸培養興趣,呀b會好主動拎起色彩繽紛嘅嘢左右搖,而家最啱就係播住音樂俾佢搖shaker,家長可以跟住拍子搖,慢慢培養識feel steady pulse👍🏻又可以跟住音樂唱歌,小jasmine聽到成日大笑,有時仲會跟住一齊叫😆handbell、鋼琴還是jo媽彈吧🤣不過寶寶見你成日彈都會想搶住玩,就俾佢玩下,慢慢令佢對音樂產生興趣,長大約1歲後可以從敲擊樂器開始接觸🥰學鋼琴?最好還是等兩歲半後😆


 
延伸閱讀:
【學前班迷思】究竟幾大開始上Playgroup好?
【Playgroup】想為孩子報讀Playgroup課程?先考慮3點!



--------------------
👼🏻現正招募「親子Blogger」!你都想分享育兒資訊?
立即將1️⃣筆名、2️⃣FB/IG/Blog page及3️⃣個人簡介 send俾我哋!
按此👉🏻Email
按此👉🏻Whatsapp
記得註明【申請做親子Blogger】,可能下一篇就係你嘅文章啦!😍
--------------------

留言