【一對一補習】你需要私補嗎？3個私人補習好處一覽

一對一補習好處一覽！成日都聽到啲學校話要小班教學，想限住30人以內，因為細規模啲，老師就容易啲兼顧到每個學生都唔同嘅學習需要，按呢個邏輯，應該去到「一對一」就最好，咁老師一定可以放晒成副心機，針對單一個學生做教學，但學校資源有限，真係難啲實現，相反自己搵補習就可以實現啦！等 Tutor Circle 尋補 話你知究竟一對一私人補習有咩好，睇下你又適唔適合一對一學習呢？

1. 一對一補習可以專心學習！

驚同朋友溫書就會專心唔到？噉一對一私補就會幾啱你，因為有一個人用老師身分坐喺你前面，你應該唔多唔少都會覺得有啲壓力，會比較專心做野，提高自覺性，而且就算你唔專心，都唔能夠再好似平日上堂噉，搏班上多學生，老師就睇唔到你就喺到hea，事關個老師就坐正喺你側邊／對面，金睛火眼噉望住你，你一偷賴都自然會俾人迫你專注返！

不過當然仲要你肯自己畀心機啦，唔係亂咁嚟睇下，求其潦幾隻字就當自己補咗習，咁就十個人望住你一個都唔會有成果了！另外，自己係溫書嘅話，實在有太多誘惑啦，忍唔住睇下手機睇下電視咁，但係有個補習老師坐喺到監督你就唔同，一定會好專心！

溫書好難專心？>> 堅持溫習一整天的4種方法

2. 對症下藥解決問題

我諗大部分搵補習嘅同學仔，都係因為自己有特定範𤴆比較弱而想加強返，但學校礙於上課時數咁多，大家嘅資源都係咁多，好難話再同你一個人加強某一個範圍嘅能力，相反搵「一對一」嘅補習，你揀完自己想補邊個範圍嘅野，仲可以揀返呢個範圍特別叻嘅專科老師。

喺補習嘅時候，同學仔亦可以直接提出自己嘅疑問同弱點，老師亦都可以好針對性，就住呢啲問題幫你出練習、清概念、練技巧，努力啲話，返到學校成績應該就可以大躍進，變到「一級棒！」

點樣揀個好嘅補習老師？>> 注意7大特質！

3. 怕壓力之餘都怕悶

其實學習有無效率，都好睇你有無心去學，如果你返學本身已經好大壓力，放學後又要去補習社追返補習班上嘅進度，瘋狂操練習，真係會人都癲。一對一私人補習雖然一開初可能會有少少尷尬，但係慢慢補落就會發現壓力比較輕，補習導師又可以按你嘅興趣去舉例。

如果你擔心對住導師一個人無咩講，驚無人陪又會好悶，怕受唔住單對單嘅壓力，都可以搵1、2個有近似學習需要嘅朋友一齊去「小組補習」，學得有效率之外，都可以愉快補習！

Tutor Circle 尋補 就有「小組補習」，小組補習不但可以跟多人攤分學費，課堂內容除了能就每位同學的需要和能力而作出調整，針對每位同學的強項和弱項加強操練，同時能夠於小組內互相學習、互相督促，見證成績躍進。

總結

其實同學最重要嘅係要知道自己學習需要，去選擇啱自己嘅私補老師，而選擇補習老師嘅時候都要知道搵一個好嘅私補老師嘅條件，咁就唔驚會搵到個唔啱自己嘅私補老師啦。希望同學們睇完呢篇文章後可以知多啲一對一私補嘅好處。

如果大家有補習的需要，不妨考慮搵 Tutor Circle 尋補 幫幫手，經驗豐富，信譽良好，免費服務配對，為學生提供最優質的私人補習導師。

👇🏻即睇影片👇🏻