【補習地方】補習地方點揀好？(｡A｡)

Post author:城大小薯仔
Post category:小編分享
Post published:2018-12-30
Post last modified:2018-12-30

我諗好多人搵補習，都會煩究竟去邊到補好，又想要就腳、又要有位坐、又想靜靜地。。。。。。不過地方就總有得你揀嘅～所以依家Tutor Circle尋補就同你地分析下咩地方有咩優劣啦！

連鎖咖啡店

講到明係連鎖，當然就好大機會係：總有一間Starbucks係左近，其實都幾多學生放左學，都3、4人小組咁去做下功課吹下水（小編以前都會嘻嘻）所以就腳都幾就腳嘅，基本上區區都會有，買杯野飲放個杯係枱到，無恥啲咁講：坐翻3、5、7個鐘都得，不過都要睇下就你腳個間係咪一日24小時，一星期7日都爆晒棚咁，如果係嘅話，間cafe係正你學校隔離都無用，因為都唔會有位坐，同埋對部分學生黎講，啲野食野飲都會偏貴，如果日日補，個銀包會好快乾塘。。。。。所以記得考慮埋錢嘅問題啊！
去親Starbucks見到個個都用英文點餐有壓力？

Starbucks英文點餐冇難度

補習地方

大學校園

有唔少中學生都會搵翻大學生補習，而且大學校園有好多地方都係自出自入，
例如中大，加上大學嘅野飲野食價錢都相對抵啲，位置亦都幾多，所以順利成章會係大家考慮嘅選項之一
不過要諗埋嘅係大學好多時候都好多人，環境可能會比較嘈，大家未必專心到。而且有啲大學，間唔時都會有保安巡邏，睇下有無唔係該間大學嘅學生用佢地啲設施，俾人發現左就可能要轉地方補習就分分鐘要補到要走鬼咁sosad。
補習地方

上門屋企補

如果要靜，我諗上門係翻自己屋企補就最靜，而且食咩飲咩都可以一早準備定，不過要睇下你屋企人介唔介意，地點對個老師黎講會唔會太偏僻，最最最最重要嘅係，屋企每一個角落都係誘惑，包括電話、電視、遊戲機、床！！！！分分鐘你翻到屋企想休息下先補習，就係休息個段時間衍生出唔想補習嘅念頭，所以俾到啲堅持，先好揀係屋企補習啊！！！！！
補習地方

【延伸閱讀】找補習老師 – 一個好私補老師應有既7個特質
【延伸閱讀】補習網 – 搵私補？香港補習中介列表

此文章純屬 Blogger 個人分享，並不代表本網誌立場。