話說之前係我YouTube channel度見到有媽媽留言比我，話同初生bb深夜打仗好崩潰😫，想我分享下d小tips，點樣可以易d捱過餵夜奶既階段。今次我就以過來人既身份分享下d tips比各位新手媽媽啦😉 (以下tips只係針對未戒夜奶既初生bb)
 

Tips 1 – 良好既心理狀態

聽落好似講緊廢話咁，但其實係好重要架❗️
記住要盡量保持心境開朗，唔好成日“型”住好辛苦/好攰/好眼訓，咁就會令到自己無咁煩躁，因為煩躁既話其實係幫唔到件事既，同埋bb係會感應到你既喜怒哀樂既，所以如果你長期都唔開心既話係會影響到bb既😖

記住要保持心境開朗，你開心bb都開心👍🏻

Tips 2 – 處理完bb d野之後就會有 “me time”

雖然照顧初生bb都係預左無得訓同好忙🥱，但如果同你講，只要搞掂曬bb d野之後就係自己既me time既話，咁諗既話可能會多返小小動力既，同令到自己無咁大壓力，咁都會令到自己開心d既。

Tips 3 – 將bb張床同父母張床隔遠d

將bb張床隔遠d，遠既程度係需要你落床行過去先照顧到bb既話，咁就確保到你可以盡快清醒起來。但如果bb係同父母一齊訓/bb床係正父母床隔離，唔需要落床就可以抱起bb既話，我都建議都係要先落一落地令自己清醒左先，再去照顧bb。咁就可以令你無咁易恰眼訓同令你可以快d處理bb d野。

Tips 4 – 房唔好熄曬燈

房要有少少光線，所以最少要留一盞細燈💡，因為當你訓到半醒半睡個陣間房全黑既話好易有意外，同有少少光既話都會令你快d清醒既。

Tips 5 – 凌晨時段最好先分工

如果事先安排定每人負責既時段🕒，咁就唔洗等bb喊個陣先傾邊個去處理，一來會好易鬧交，二來既係有一個規定既時間表，休息都會有規律d。

Tips 6 – 用包被/大毛巾包住bb訓教

因為初生bb需要安全感，當你凌晨餵完奶換完片之後再包實bb既話，佢會訓得好d/耐d，無咁易紮醒。

Tips 7 – 房間溫度低d (夏天version)

因為初生bb體溫比成年人高少少🌡，所以如果室溫涼d既話bb係會訓得舒服d既。
 
今次既分享就去到呢度先啦~

👇🏻 即刻睇片👇🏻

另外亦都十級強力建議大家去埋我其他既social media度睇下啦，會睇到我地同bb互動既小片段的🤪
 
延伸閱讀：
【育兒好物推介】BB衫慳錢大法+平價換片床推薦！
【產後情緒支援】湊仔湊到透唔到氣 需要呻但無人肯聽？
 

Frida Lee

一個90後/鐘意拍片/貪靚既新手媽媽。歡迎係IG • FB • YouTube搵我啦~

留言