影子教育

【影子教育】私補都係其中一種?定義、利弊一覽!

私補你就聽得多啦,可能都補得好多,但你知唔知私補其實都有個學名叫做「影子補習」,甚至HKU仲有相關研究係講佢嘅形成原因、利弊,唔知「影子教育」講咩?就要睇Tutor Circle尋補呢篇blog啦!

邊個無啦啦去研究?

hku 補習-影子教育
(網上圖片)

世界上太多唔同嘅教育形式,每種形式都有獨特嘅地方,有好有唔好。而「影子教育」嘅風氣喺過去二十年瘋狂蔓延,由亞洲去到世界各地都係,所以喺香港,港大(HKU) 教育學院比較教育嘅一名講座教授;Thomas Mark BRAY,就開始研究「影子教育」,包括佢嘅形成原因、影響、意義等,Professor Bray 喺2009年出版過嘅一本:《直面影子教育系統 – 課外輔導與政府政策抉擇 》,翻譯咗做18種語言喺全球出版,之後佢更獲邀去唔同國家做演講,仲做埋聯合國教科文組織國際教育規劃研究所所長 。對全球嘅「影子教育」都有好深遠嘅影響㗎!

點解叫影子?

hku 補習-影子教育
(圖片來源:端傳媒)

影子嘅特點在於,佢會跟住我地身體嘅郁動而改變,變到同我地嘅姿勢一樣。而「影子教育」正正就係講緊呢類嘅私人補習,都係會跟住傳統正規學校嘅教育課程而有所調整,好簡單一個例子,就係當DSE中文科轉考12篇範文嘅時候,私補就當然立刻轉向同你狂補個12篇範文,而唔係漫無目的咁同你操卷了〜

咁私補係好定壞?

hku 補習-影子教育
(圖片來源:新浪新聞)

應該唔少學生都係覺得成績唔夠好,想提升先去補習,但 Professor Bray就講過一句:「補習好有可能係令成績好嘅學生更好,差嘅變更差。」聽完真係個心都慌一慌,到底仲補唔補好LOL而佢都有喺再次接受HKU訪問嘅時候提出,「影子教育」對整個社會都有影響 舉個例:加劇社會不平等,因為補習愈盛行;價錢愈貴,有錢人就開心繼續補;收入稍低嘅屋企為咗唔好輸在起跑線,就算收入未必夠都要推啲仔女去補習,到時就變咗係加強家庭嘅負擔同社會持續唔平等。


Copyright © 2022 Tutor Circle 尋補. All rights reserved. 此文章未經許可,不得轉載。
Copyright © 2022 Tutor Circle 尋補. All rights reserved. 此文章未經許可,不得轉載。

可能你覺得補習好平常,但仔細一諗,可能真係影響咗我地都唔知 ,你補緊嘅影子教育,對你、對屋企、對社會好唔好呢?you think you lah~

延伸閱讀:
【私補老師】驚見補習阿SIR集郵合照 5大揾私補注意事項!
【私人補習價錢】最新2022私補價錢 5大因素影響收費!
【補習阿sir】男私補老師係原罪?無辜被學生阿爸爆門大喝


常見問題

最新補習公價係幾多?

接學生就讀的年級及補習科目,價錢各有不同,詳情可按此參考私人補習收費表

揀選補習老師時有咩要注意?

除了要在首堂前了解導師的簡單學歷及背景,也可以問清楚導師以往的補習經驗……更多揀選補習老師注意事項

*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Cricle 尋補 對信息或內容所招至的損失或損害,不會承擔任何責任。
影子教育
影子教育

尋補?Tutor Circle!

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言