【奧數補習】學奧數發展潛能！導師點揀好？

Post author:城大小薯仔
Post category:學術資訊
Post published:2019-01-23
Post last modified:2019-01-23

奧數（奧林匹克數學）應該好多人由小學階段都開始聽過呢個term，甚至可能係有學過 (⁰▿⁰)
對於小編呢個百分百文科人黎講，數學都搞唔掂，高階啲嘅奧數真係可遠觀而不可䙝玩焉(๑´ㅂ`๑)
不過遠觀個時，都聽聞過奧數可以訓練一個人嘅邏輯思維、逆向思考、甚至係加強智力發展，
所以好多家長都會幫小朋友報奧數班嘅，Tutor Circle尋補教你導師課程又可以點揀呢？？？

校內奧數班

事關奧數係香港實在太普遍，亦都好受家長歡迎〜所以唔少學校都會開設翻奧數班應付學生家長嘅需求，有部分學校會用翻學校嘅數學老師，有部分就會外聘導師，由學校開設嘅，質素都有保證嘅，不過有唔少學校都會用拔尖嘅形式去做奧數班，可能要數學科全紋級名列前茅嘅學生先有得玩，當然如果學校仲有奧數興趣班就更好〜咁就算成績未到頂尖都可以join黎學，不過無嘅話，可能就要出去搵其他導師啦！
奧數導師

（網上圖片）

補習社奧數班

話到明奧數班受歡迎，外面嘅補習社當然都會開班授徒，應付市場需要啦〜比起校內班，就有好多都唔係拔尖為主，反而係由基本嘅邏輯推理教起，再就住每個題目範𤴆做題目去應用翻，價錢方面，大概係$200-$300 一節，視乎班嘅程度、教授語言，價錢都會有所唔同不過記得留意翻補，到底導師係瘋狂要人操數，定真係會確實教邏輯思考黎提升能力啦！
奧數導師

（網上圖片）

自己仔女自己教

可能有啲家長，報過一啲奧數班，覺得師資質素麻麻地，唔想再浪費金錢，但又眼見小朋友對數學都幾有興趣，偏偏自己教唔到，搞到好似手足無措咁，其實，你係可以學完奧數自己教架！坊間依家都越黎越多奧數導師嘅訓練課程，無太多嘅修讀限制〜當中除左必須要學奧數嘅知識以外，都會學一啲教授嘅技巧、題目嘅設計等等努力完成課程，除左可以教到自己嘅小朋友，都可以出去開班教授架〜到時俾小朋友問起奧數就唔洗口啞啞啦。